YEHEZKIEL 44:11 - Alkitab Singog In Mongondow Masa In Tanaa

¹¹ Kon bonu in Baḷoi-Ku, mosia in tongábí motaau in mogundoi kon i-Nakó saḷaku mobobantung kon oaidan bo moḷukad kon bonawang. Mosia in motaaubí in moratá kon mahaḷuk mita inta mobaḻí kuruban payongon bo posumba, bo mosia in mustibí umuran mobantung kon umat.

YEHEZKIEL 44:11 Referans Kwoze

PINOGIAPAN 16:9

Degá pinikirmai monimu soaḷbí mointok in pinomiḻían i Allah Israel kon i monimu nongkon sigad in intau mita in Israel sinbá motaau dimiug kon i-Nia, bo mopobayá in oaidan-Nea kon Ḷoḷaigan-Nea, poḷat mogaid kon kopontingan umat Israel bo mogundoi kon i monia?

TAWARIKH 2 29:34

Imang mita inta ain nopotusi in awak monia in noyakag dá diá nokodait nonaip kon bayongan in biag tatua. Tuamai mosia in binantungan in intau mita in Lewi, sin intau in Lewi in mosati-satia kon atorang in potusian. Mosia in tantúbí nobantung nodapot in tugatdon in imang inta ain nopotusi in awak.

YEHEZKIEL 44:14

Tanaa mosia in pokiaidan-Ku in oaidan inta mobogat inta paraḷu aidan kon Baḷoi-Ku.”

YEHEZKIEL 40:45

Ḷoḷaki tatua in noguman kon inakó kon los inta noitayow in toḷatan tatua in sinadia kon imang mita inta mopobayá in oaidan kon Baḷoi Tuhan,

TAWARIKH 2 30:17

Nobayong in nongkon sigad in intau inta kon tua in diápa nopotusi in awak, dá mosia in diábí motaau moratá kon domba sin pakéon kon kuruban in Paska. Tuamai intaudon mita in Lewi in nogaid kon tua kon i monia bo noposumba kon i Tuhan.

PINOGIAPAN 18:6

Totuu, Akuoi ain nomiḻí kon ginaḷummu intau mita in Lewi nongkon sigad in bangusa Israel mobaḻí oogoi kon inimu. Mosia ain sinondí kon i-Nakó, sin mogundoi kon Ḷoḷaigan-Ku.

PINOGIAPAN 4:1

Ki Tuhan nopotabá kon i Musa bo kon i Harun

PINOGIAPAN 18:2

Ginaḷummu mita, suku Lewi, musti potakinmu doman mobaḻí bobantung kon pogaidanmu bo pogaidan i adímu mita.

PINOGIAPAN 8:26

Mopaḷut mako kon tua sia in motaaudon mobantung kon intau in Lewi ibanea mako inta mogaid kon oaidan monia kon bonu in Ḷoḷaigan-Ku, táe diá bidon in oaidannea inta motantú. Natua in pononantú kon oaidan in intau mita in Lewi.”

YEHEZKIEL 46:24

Guman in ḷoḷaki tatua kon inakó, “Naa in abu mita tampat in mogogundoi mita kon Baḷoi Tuhan pototuonan kon kuruban mita sosumba in rayat.”