YEHEZKIEL 43:27 - Alkitab Singog In Mongondow Masa In Tanaa

²⁷ Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

YEHEZKIEL 43:27 Referans Kwoze

IMAMAT 9:1

Tosinggai naonda in upacara pinomaḻían kon imang tatua nopaḷut, kon singgai noginwaḷu, ki Musa nogoiní kon i Harun bo kon i adínea mita takin itoi mita in bangusa Israel.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

PILIPI 2:17

Matoikabí in akuoi sin mobaḻí kuruban in sambayangmu kon i Allah inta pinirisayamu, yo diábí moyaat in ginaku kon i monimu.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

SURAT I PAULUS KON JAMAAT RUM 15:16

Binaḻí-Neadon in akuoi mogogaid kon oaidan i Kristus sin pinotabá minayá kon intau mita inta deeman Yahudi. Bo akuoi in nogaidon naonda bo imang, inta nopoyaput in Habar Mopia nongkon i Allah, sinbá intau mita inta deeman Yahudi in mobaḻí tobatú sosumba kon i Allah inta motaau tarimaan-Nea. Poigumondon mako bá baḻíondon in Roho i Allah in mosia tobatú sosumba kon i Allah tontaní.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

AYUB 42:8

Dá, gamádon in tanaa sapi koḷakian pitu bo domba koḷakian pitu, bo bayádon kon i Ayub. Bo posumbadon intua komintan mobaḻí kuruban payongon kon inimu. Sambayangan i Ayub in moiko bo tarimaan-Ku in sambayangnea. Moiko in diábí pokopooyáan-Kumai, umpakabí patus in moiko motarima kon hukuman. Diá inouman monimu kino banar ki ine in Akuoi, ná inta inouman i Ayub.”

IMAMAT 17:5

Makusud in parenta tanaa in bá bangusa Israel modia mopoangoi kon Ḷoḷaigan i Tuhan in bayongan mahaḷuk inta baḻíon sosumba monia inta biasamai ratáan monia kon gobá. Mosia in mustibí modia kon sosumba monia tatua kon i imang kon tayowon ngara in Ḷoḷaigan i Tuhan bo ratáan kon tua mobaḻí kuruban dodamean.

IMAMAT 3:1

Aka oyúon intau moposumba in sapi koḷakian tobatú sin pomiaan kuruban dodamean, dá sapi tatua motaaubí in koḷakian bo motaau doman in kobaayan, táe musti inta mopia totok.

YEHEZKIEL 43:26

Pitu nosinggai in koonggotnea imang mita in musti mogaid kon upacara ponoimpaḷutan kon mezbah tatua bo moposadia sinbá motaau pakéon.

YEHEZKIEL 45:17

Siabí inta musti motaḷui kon bobiagon inta pakéon kon kuruban payongon bo bahan mita inta mobaḻí kuruban gandum bo kuruban anggur kon bayongan in bangusa in Israel kon singgai mita moḷoben, Singgai moḷoben Buḷan Mobagu, singgai mita in Sabat bo singgai mita moḷoben ibanea. Sia in mustibí moposadia in kuruban potobut kon dosa, kuruban gandum, kuruban payongon, bo kuruban podamean sin mopoigum in ampung kon bangusa in Israel.”

IMAMAT 9:4

Potabá in mosia moposumba doman in sapi koḷakian tobatú bo bembé koḷakian tobatú mobaḻí kuruban dodamean. Tua komintan in musti posumba monia kon i Tuhan poyotakinon in kuruban oḷudon inta pakéan in ḷana, sin kon singgai naa ki Tuhan mamangoi kon i monia.”