YEHEZKIEL 43:15 - Alkitab Singog In Mongondow Masa In Tanaa

¹⁵ Yuang intoḷunea tanaa in tampat pototubáan kon kuruban; koḷantudnea in doyowa nometer. Kon sikunea opat oyúon in noiḷontú naonda bo tungoi.

YEHEZKIEL 43:15 Referans Kwoze

IḶUAIAN 27:2

Kon sikunea mita kon ḻimonik musti pomiaan kon tungoi mita inta poyotobatúon in mezbah. Musti komintan oḻitan in porunggu.

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

IMAMAT 9:9

Ki adí mita i Harun nodia kon dugú in mahaḷuk tatua kon i Harun, bo sia nopoḷodokdon in gongguyamúnea kon dugú tatua, bo poḷat nopoḻepo kon tungoi mita inta kon siku opat in mezbah. Onda intua kiagat in dugú tatua pinopobutakneadon kon datoḷan in mezbah.

YESAYA 29:7

Bo bayongan in tontara ango-angoi inta nonubu kon Yerusalem, kotá in mezbah i Allah, bayongan inta mongopung bo inta monubu kon kotá tatua, mobuḻibí naonda bo togoindop kon dodai in doḷom.

DATU MITA IMITÁNEA 2:28

Dinongogdon i Yoab in bayongan inta ain nobaḻí tatua. Inagían in ondok in sia sin sia in nomihak kon i Adonia. Táe, koḻipod sia in diábí nomihak kon i Absalom. Dá noḷagui in sia minayá in Ḷoḷaigan i Tuhan bo nokadai kon popod mita in mezbah.

DATU MITA IMITÁNEA 1:50

Dá noondokdon totok in ki Adonia kon i Salomo, nodapot in sia noḷagui minayá in Ḷoḷaigan i Tuhan bo nokadai kon popod mita in mezbah kon tua.

YEHEZKIEL 43:20

Gamádon in dugúnea topiḻik bo popoḻepo kon tungoi mita inta kon siku mita in mezbah tatua, bo kon sikunea opat inta kon dotá in bonunea takin doman sí in mezbah inta noiḻibu. Natuata in pogogaidmu mopotusi in mezbah tatua bo tondíonmudon kon i-Nakó.

IḶUAIAN 27:1

“Pomia in mezbah tobatú nongkon kayu akasia. Tonggopaton, kobanat bo kooḷadnea tumpaḷa doyowa nometer bo doyowa nopuḷú nosenti bo koḷantudnea in tometer bo toḷu nopuḷú nosenti.