YEHEZKIEL 43:1 - Alkitab Singog In Mongondow Masa In Tanaa

¹ Onda intua ḷoḷaki tatua in nodia kon inakó minayá in bonawang inta noitayow in pomukaan,

YEHEZKIEL 43:1 Referans Kwoze

YEHEZKIEL 44:1

Onda intua ḷoḷaki tatua in nokapit kon inakó bui minayá in bonawang kon ḷuai kon dotá in pomukaan nongkon Baḷoi Tuhan. Bonawang tatua in noiḻingkop,

YEHEZKIEL 42:15

Naonda in nopaḷut mako in ḷoḷaki tatua nogukur kon bangunan in Baḷoi Tuhan kon dotá in bonunea, dinianea in akuoi iḻumuai nongin bonawang pomukaan, bo nogukur kon ḻibu in Baḷoi Tuhan.

YEHEZKIEL 46:1

Ki Tuhan Inta Totok in moḷantud in noguman, “Bonawang dotá in pomukaan inta nopobayá in palas kon bonunea in mustibí umuran ḻingkopan kon bonu in onom nosinggai pogaidan. Bonawang tatua in tongábí motaau bukatan kon singgai in Sabat bo kon poramean kon singgai Moḷoben Buḷan Mobagu.

YEHEZKIEL 40:6

Onda intua minayá in sia in bonawang inta noitayow kon pomukaan. Noponik in sia kon tukadnea bo naonda in noidapot in tudunea, inukurnea in ngara in tatua, kooḷadnea toḷu nometer.

YEHEZKIEL 10:19

Akuoi in nokoontong kon kerub mita tatua nosongká kon koḻikipnea bo nonaḷámai kon butá bo minayá, bo rodanea mita in dinumudui. Bo nogogai in mosia kon diug in bonawang in Baḷoi Tuhan inta kon dotá in pomukáan, bo sindar inta mopouḻi-uḻinag tatua umuran kon ḻimonik monia.

YEHEZKIEL 43:4

Sindar mopouḻi-uḻinag tatua minayá nopobayá in bonawang kon dotá in pomukaan bodongka sinumuot kon bonu in Baḷoi Tuhan.

YEHEZKIEL 44:2

ki Tuhan in noguman kon inakó, “Bonawang tanaa in mustibí umuran moiḻingkop mako bo diábí motaau in bukatan. Diábí tobatúmai in intau in motaau tumuot kon tua, sin Akuoi, ki Tuhan Allah in Israel, ain sinumuot kon Baḷoi-Ku nongin bonawang tanaa. Dá, bonawang tanaa in mustibí umuran ḻingkopan.