YEHEZKIEL 42:4 - Alkitab Singog In Mongondow Masa In Tanaa

⁴ Kon tayowon in gopot mita tatua, kon dotá in bonunea oyúon in lorong inta kooḷadnea in ḻima nometer bo kobanatnea in ḻima nopuḷú nometer. Ngaranea mita in noitayow kon utuan.

YEHEZKIEL 42:4 Referans Kwoze

YEHEZKIEL 46:19

Onda intua ḷoḷaki tatua nodia kon inakó nongin ngara kon diug in bonawang, mopobayá in gopot mita motusi inta noitayow kon utuan. Gopot mita tatua in sinadia kon imang mita. Ḷoḷaki tatua in notundú kon yuang kon popodnea kon dotá in toyopan,

LUKAS 13:24

“Poramujidon tumuot kon ngara inta mosisí! Sin pokoingat! Mobarongdon totok in intau moramuji in tumuot kon daḷan tatua táe diá mokotuot.

MATIUS 7:14

Táe daḷan inta mopobayá in tampat inta mokobiag in nointok bo tongá topiḻik in intau inta mokodapot kon tua.”

YEHEZKIEL 42:1

Onda intua ḷoḷaki tatua in nodia kon inakó minayá in dangkuḷon dotá in ḷuai bo kinapitnea in akuoi minayá in baḷoi ibanea kon dotá in utuan kon Baḷoi Tuhan, diá noyayú nongkon baḷoi moḷoben kon dotá in toyopan kon Baḷoi Tuhan tatua.

YEHEZKIEL 42:11

Kon tayowon in gopotnea mita oyúon in lorong inta notongkai in lorong kon dotá in utuan. Ukurannea in notongkai, batangannea in notongkai, bo ngaranea mita in notongkai doman.