YEHEZKIEL 41:1 - Alkitab Singog In Mongondow Masa In Tanaa

¹ Ḷoḷaki tatua in nodia kon inakó sinumuot in gopot kon yuak, inta sinangoian Tampat Inta Motusi. Inukurnea in lorong inta nopobayá ná tatua: kobanatnea in toḷu nometer,

YEHEZKIEL 41:1 Referans Kwoze

YEHEZKIEL 41:23

Kon popod in lorong inta nopobayá in Tampat Inta Motusi oyúon in ngara tobatú, natua doman in kon popod in lorong inta nopobayá in Tampat Inta Totok in Motusi.

YEHEZKIEL 40:17

Onda intua ḷoḷaki tatua nodia kon inakó nongin ngara kon dangkuḷon kon ḷuai in Baḷoi Tuhan. Kon sí in dinding ḷuainea kon ḻibumai in Baḷoi Tuhan tatua pinosindog in gopot toḷu nopuḷú. Kon tayowon in gopot mita tatua oyúon in taḷog batu

WAHYU 21:15

Kon Malaekat inta noyosingogku tatua oyúon in tungkud pogogukur inta pinomia nongkon buḷawan sin pogogukur kon kotá, kon ngaranea mita bo kon dindingnea.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

YEHEZKIEL 41:21

Oigi mita in ngara nongkon Tampat Inta Motusi notonggopat. Kon tayowon in Tampat Inta Totok in Motusi oyúon in inta ontongon naonda bo mezbah nongkon kayu.

YEHEZKIEL 41:3

Onda intua sinumuot in sia kon gopot kon dotá in bonunea. Inukurnea in lorong inta nopobayá ná tatua: kobanatnea in tometer, kooḷadnea in toḷu nometer, bo dindingnea posibotak kobunodnea in toḷu botobotak nometer.

DATU MITA IMITÁNEA 6:2

Ukuran in Baḷoi Tuhan, dotá in bonunea in nanaa: kobanatnea in 27 nometer, kooḷadnea in 9 nometer, bo koḷantudnea in 13,5 nometer.

YEHEZKIEL 42:1

Onda intua ḷoḷaki tatua in nodia kon inakó minayá in dangkuḷon dotá in ḷuai bo kinapitnea in akuoi minayá in baḷoi ibanea kon dotá in utuan kon Baḷoi Tuhan, diá noyayú nongkon baḷoi moḷoben kon dotá in toyopan kon Baḷoi Tuhan tatua.

DATU MITA IMITÁNEA 6:1

Ki Salomo nomangkoi noposindog in Baḷoi Tuhan kon buḷan Ziw, tuata in buḷan nogindua, kon taong noginggopat kon pinomarentaannea, 480 notaong naonda in bangusa in Israel nonaḷámai kon Mesir.