YEHEZKIEL 40:34 - Alkitab Singog In Mongondow Masa In Tanaa

³⁴ Yuangnea moḷoben in noitayow kon dangkuḷon kon ḷuai. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem. Waḷu notontagá in tukad in nopobayá in bonawang tatua.

YEHEZKIEL 40:34 Referans Kwoze

YEHEZKIEL 40:22

Bo yuangnea doman moḷoben, dodimpayónea mita, bo kurigan mita in kayu palem in notongkai doman in inta kon dotá in pomukaan. Pitu in tukad in nopobayá in bonawang tatua, bo kon popodnea oyúon in yuang moḷoben inta noitayow kon dangkuḷon dotá in ḷuai in Baḷoi Tuhan.

YEHEZKIEL 40:37

Yuangnea kon muna doman noitayow kon dangkuḷon kon ḷuai. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem. Waḷu notontangga in tukad mopobayá ná bonawang tatua.

YEHEZKIEL 40:31

Táe yuangnea moḷoben in noitayow kon dangkuḷon kon ḷuai. Dinding mita kon dotá in bonunea inta noitayow kon lorong, in iḷambáan doman in kurigan mita in pangkoi in palem. Waḷu notontagá in tukadnea tua nopobayá ná bonawang tatua.

YEHEZKIEL 40:26

Pitu notundug in tukad nopobayá ná bonawang tatua bo yuang doman moḷoben in kon popodnea, noitayow kon dangkuḷon dotá in ḷuai In Baḷoi Tuhan. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem.

YEHEZKIEL 40:16

Kon dinding tumi bo dinding sigad in gopot mita tatua in oyúon in dodimpayó mita mointok. Dinding mita kon dotá in bonunea inta noitayow kon lorong, iḷambáan kurigan in pangkoi mita in palem.

YEHEZKIEL 40:6

Onda intua minayá in sia in bonawang inta noitayow kon pomukaan. Noponik in sia kon tukadnea bo naonda in noidapot in tudunea, inukurnea in ngara in tatua, kooḷadnea toḷu nometer.