YEHEZKIEL 39:21 - Alkitab Singog In Mongondow Masa In Tanaa

²¹ Ki Tuhan in noguman, “Akuoi in moponiatabí in kamuliaan-Ku kon bangusa mita. Mosia komintan in mokoontongbí kon naonda in Akuoi mopomaké in kawasa-Ku sin mopobayá in onu mita inta ain sinantú-Ku inta moadil.

YEHEZKIEL 39:21 Referans Kwoze

YEHEZKIEL 38:23

Natuata in aid-Ku moponiata kon bayongan in bangusa kon Akuoi in moḷantud bo motusi. Dá kotaauandon monia kon Akuoibí in ki Tuhan.”

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

YEHEZKIEL 36:23

Poniata-Kubí in kototusi in tangoi-Ku inta moḷoben tua, tangoi inta ain kinotor monimu kon yua-yuak in bangusa mita, dá kotaauandon monia kon Akuoibí in ki Tuhan. Akuoi, ki Tuhan Inta Totok in moḷantud ain nosingog. Pakéon-Ku in moiko kon moponiata kon bangusa mita kon Akuoi naa in motusi, ki Tuhan Inta Totok in motusi.

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

YEHEZKIEL 39:13

Bayongan in intau kon butá tatua in moduḷubí moḷobong; bo podoyon kon oaidan monia tatua dá mosia in mokouḻídon kon tombuinag kon singgai popountungan-Ku. Akuoi, ki Tuhan Inta Totok in moḷantud ain nosingog.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

SAMUEL 1 6:9

Tarukiradon in bobayánea; aka Poti Dodandian tatua diaan pobayá ná butánea tontaní, inta kon kotá in Bet-Semes, tua in mangaḻenea kon ki Allahdon in intau Israel inta ain nopouma in bodito inta motoyang tatua kon i naton. Táe aka roda tatua diá nopobayá ná tua, dá kotaauandon naton kon bodito tatua in deemanbí nongkon i Allah in Israel, táe tongábí noikoḷatmai natua.”

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

SAMUEL 1 5:7

Naonda in inontong monia onu inta yogot mobaḻí kon i monia tatua, mosia noguman, “Ki Allah in Israel nohukum kon inaton bo kon i Dagon dewa naton. Diábí motaau in pomayá mako naton kon naa in Poti Dodandian-Nea tantú kon naa koonggotonpa.”

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 8:19

dapot in mososihir mita tatua noguman kon i datu, “Naa in aidbí i Allah.” Táe ki datu tatua nokopotogatpa doman bui kon gina, bo ná inta ain muna pinoguman i Tuhan, ki datu tatua doí mopandungmai kon tosingogon i Musa bo i Harun.

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

MIKHA 2:9

Bobay mita kon sigad in umat-Ku pinoguntun monimu nongkon baḷoi inta kinotabinea, bo umuran agowon monimu in barakat inta inogoi-Ku kon i adí mita monia.

MAZMUR 94:10

Sia in notundú kon bangusa mita, yo umpaka yo diá in Sia mohukum? Sia in nobaḻí guru kon bayongan in intau, yo umpaka yo diá in Sia kototaau?

MALEAKHI 1:5

Bangusa in Israel in mokoontongbí tontaní, bo moguman, “Totuubí kon moḷoben in ki Tuhan; kawasa-Nea in modapot kon ḷuai in butá in Israel!”