YEHEZKIEL 39:11 - Alkitab Singog In Mongondow Masa In Tanaa

¹¹ Ki Tuhan in noguman, “Aka tua mita bo mobaḻí, yo ogoi-Kubí kon i Gog in butá poḷobongan kon Israel, kon Ḷopá Ḷoḷoḷanan inta kon dotá in pomukaan nongkon Laut Mati. Kon tua in ki Gog bo bayongan in tontaranea ḷobongon, bo ḷopá tatua in tangoion ‘Ḷopá in Tontara i Gog’.

YEHEZKIEL 39:11 Referans Kwoze

YOHANES 6:1

Nopaḷut mako kon tua ki Yesus minayá in ḷoḷan Danow Galilea inta sinangoian Danow Tiberias.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

YEHEZKIEL 47:18

Pinosigadan kon dotá in pomukaan nopobayá ná toḷatan, nongkon tampat tobatú kon sigad in butá in Damsyik bo butá in Hauran. Dá Ongkag in Yordan in nobaḻí sigad in butá in Israel kon dotá in toyopan bo Gilead kon dotá in pomukaan, nodapot kon Tamar kon pintad in Laut Mati.

YEHEZKIEL 38:2

“Ei intau ilo-ilow, kutukdon in ki Gog datu moḷoben nongkon butá mita in Mesekh bo ki Tubal kon butá in Magog.

PINOGIAPAN 34:11

Nongkon tua mosiḻig kon Ribla kon dotá in pomukaan kon Ain, bo tumurus kon buḷud mita kon pintad in pomukaan kon Danow in Galilea,

PINOGIAPAN 11:34

Dá tampat tatua sinangoian “Pinoḷobongan sin Turá”. sin kon tua in pinoḷobongan kon intau mita inta turá.

YEHEZKIEL 39:10

Dá diá bidon in mosia paraḷu motayak kon kayu pondungú kon gobá andeka momupuḷpa kon kayu kon kayuon, sin pakakat mita in parang inta sinaḷáan tua in tugatbí pakéon pondungú. Mosia in mogagowbí poḷat modia kon kapunyaan in intau inta ain nogagow bo nodia kon kapunyaan monia. Akuoi, ki Tuhan Inta Totok in moḷantud ain nosingog.”

YEHEZKIEL 39:12

Pitu nobuḷan in koonggotnea intau mita in Israel mosibuk in moḷobong kon bayongan in intau minatoi sinbá butá tatua diá monajis bui.

YEHEZKIEL 39:15

Kon binayáan tatua, pomuḷoi in mosia mokouḻí kon tuḷan in intau, yo tomponuotanbí monia kon diugneamai, sinbá intau mita inta pokokiḷobongan mokoontong kon tua bo moḷobong kon tuḷan tatua kon Ḷopá in Tontara i Gog.

IḶUAIAN 8:14

Intau in Mesir nosipun kon tumpaḷak mita inta ain minatoi tatua, nodapot in nobontu-bonturung, nodapot in bayongan butá tatua nobódon in bongkog.