YEHEZKIEL 38:20 - Alkitab Singog In Mongondow Masa In Tanaa

²⁰ Bayongan in toyá bo ḷagapan, bayongan in mahaḷuk moḷoben bo mointok, bo bayongan in intau kon dunia naa in mourotbí mako in ondok in tumayow kon i-Nakó. Buḷud mita in motabibí, irib mita in mongoḻitubí bo bayongan in dinding in moobatbí.

YEHEZKIEL 38:20 Referans Kwoze

HOSEA 4:3

Tuamai in butá tanaa in moingkagdon, bo bayongan inta nobiag kon tua in matoidon. Bayongan in mahaḷuk kon ḷangit, kon toba bo kon dagat in moyopúbí.”

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

YESAYA 30:25

Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita.

WAHYU 6:14

Ḷangit in kinimiot naonda bo karatas inta iḻitod. Bayongan in buḷud bo pulau nodait pinamping nongkon tampatnea mita.

YESAYA 42:15

Buḷud bo tombuḷudnea in baḻíon-Ku moḷogat, bayongan in pinomuḷanea iḷaḷowan-Ku. Ḷopá mita in ongkag binaḷuian-Ku nobaḻí padang gurun, Bayongan in danow iningkagan-Ku.