YEHEZKIEL 37:3 - Alkitab Singog In Mongondow Masa In Tanaa

³ Ki Tuhan in noḻibó kon inakó, “Ei intau ilo-ilow, degá motaau in biagon bui in tuḷan mita tanaa?” Akuoi in notubag, “Tuhan Inta Totok in moḷantud, tongábí Iko in nonotaau.”

YEHEZKIEL 37:3 Referans Kwoze

YOHANES 5:21

Ki Amá tua in momiag bui kon intau minatoi, bo mobogoi kon i monia in kobiagan mopia bo mononoi; ná tua doman in Adí mobogoi doman in kobiagan mononoi kon i monia inta moibog ogoian-Nea in kobiagan.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

SURAT I PAULUS KON JAMAAT RUM 4:17

Sin ki Allah in nogumandon kon i Abraham nanaa, “Iko ain binaḻí-Ku ki amá in bayongan intau inta mopirisaya.” Tua in dandi inta inogoi i Allah kon i Abraham. Bo ki Abraham in nopirisaya kon i-Nia. Sia tua in ki Allah inta nomiag kon intau minatoi, Siabí doman tua in ki Allah inta tongá takin singog in mogaid kon bayongan yagi-yagi inta diápa, mobaḻí oyúondon.

IBRANI 11:19

Ki Abraham in noyakinbí totok kon mokosanggupbí in ki Allah momiag kon i Ishak nongkon kinopatoiannea tua, dá motaaubí tangoion kon ki Abraham in notarimadon bui kon i Ishak nongkon kinopatoiannea.

OUMAN IN RASUL MITA 26:8

Nongonu sin tai utat mita intau in Yahudi in diábí mopirisaya kon ki Allah in nomiagbí kon intau minatoi?

SAMUEL 1 2:6

Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

KORINTUS 1 15:35

Degá oyúon in moḻibó nanaa, “Naonda degá aka intau matoi biagondon bui? Awak degá naonda in ogoi kon i monia?”

YEHEZKIEL 26:19

Ki Tuhan Inta Totok in moḷantud in noguman, “Baḻíon-Ku in iko moingongow naonda bo kotá inta diá in intau. Koḷoban-Kubí in iko in tubig nongkon apad in baḷangon.

YEHEZKIEL 37:2

Akuoi dinia i Tuhan noḻibu kon ḷopá tatua, bo inontongku in ḷopá tatua noirarit magí-mako in tuḷan mita inta mobayong totok bo noingkag domandon totok.

MAZMUR 88:11

Degá Iko in momia kon inta mokoherang kon intau minatoi? Degá simindog in mosia bo modayow kon ini-Mu?