YEHEZKIEL 35:3 - Alkitab Singog In Mongondow Masa In Tanaa

^3-4 Potaaudon kon intau mita inta nogutun kon tua in onu inta pinotaau-Ku, ki Tuhan Inta Totok in moḷantud kon i monia, ‘Akuoi naa in musungmu, ei intau mita inta nogutun kon buḷud in Edom! Butámu in baḻíon-Kubí moingongow diá in mogogutun, bo kotámu mita in mobaḻídon apug mita. Dá kotaauandon monimu kon Akuoibí in ki Tuhan.

YEHEZKIEL 35:3 Referans Kwoze

YEREMIA 6:12

Baḷoi monia in ogoibí kon intau ibanea, natua doman in gobá bo buḷoi bobay mita monia. Intau mita kon butá tanaa in hukumon-Ku.

YEHEZKIEL 35:7

Kotámu mita kon buḷud in Edom in baḻíon-Kudon moingongow bo bayongan in intau inta tumaḻib kon tua in ḻimodon-Kubí.

YEHEZKIEL 6:14

Tonggóon-Ku in ḻima-Ku bo morimumud kon butá monia, dá mobaḻídon moingongow, pinangkoi kon Gurun Toḷatan modapot kon kotá in Ribla kon utuan. Nongkon tampat mita inta inutunan in intau in Israel, diábí tobatúmai in posaḷamaton. Dá kotaauandon in bayongan in intau kon Akuoibí in Tuhan.”

YEREMIA 15:6

Moiko in nondoídon bo nonaḷámai kon i-Nakó, tuamai in tonggóon-Ku in ḻima-Ku sin porimumud kon i monimu, sin mobúdon in Akuoi in momondam kon torú-Ku.

NAHUM 3:5

Ki Tuhan Inta Totok in mokawasa in noguman, “Ei Niniwe, iko in rorigaan-Ku! Pilangan-Ku in iko kon tayowon in bangusa mita, dá kororaatmu koontongan monia.

NAHUM 2:13

“Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

YEHEZKIEL 29:10

dá Akuoi in mobaḻí musungmu, bo musung in Ongkag in Nilmu. Sinangkub in Mesir baḻíon-Ku butá inta moingongow totok pangkoion kon kotá in Migdol kon utuan modapot kon kotá in Aswan kon toḷatan, modapot kon pinosigadan in Sudan.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

YEHEZKIEL 25:13

Tuamai in potaau-Kudon kon Akuoi in mohukumbí kon Edom bo moḻimod kon bayongan in intau bo mahaḷuk kon tua. Sinangkub in butá tatua, nongkon kotá in Téman modapot kon kotá in Dedan, baḻíon-Ku moingongow totok; rayatnea in matoi kon poparangan.

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

YEREMIA 51:25

Ei Babel, iko in naonda bo buḷud inta nokorimumud kon sinangkub in dunia. Táe Akuoi, ki Tuhan, in moḷawangbí kon inimu. Iko in uguton-Kubí bo ḻitoion-Ku bo pomayá-Kudon mako mopokak mobaḻí ḷobud.

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 49:13

Akuoi in mongibot podoyon kon tangoi-Ku tontaní kon kotá in Bozra in mobaḻíbí tampat inta mokokoningkim inta taḷaan in intau. Kosinganbí in intau bo tangoi monia in pakéon monia pongutuk. Bayongan in ḻipú kon diugnea in mobaḻídon dongka rumbunnea modapot in mononoi. Akuoi, ki Tuhan, ain nosingog.”

YEREMIA 49:17

Ki Tuhan in noguman, “Bodito inta moiantug kon Edom in totokbí in motoyang modapot in bayongan in intau inta moitaḻib kon tua in moitaḻikokogbí bo moondok.

YEHEZKIEL 35:15

ná kinososanang in gina monimu kon dodai in nokoontong kon Israel kapunyaan-Ku nobaḻí noingongow. Buḷud mita in Seir, nodapot in sinangkub in butá in Edom in mobaḻíbí moingongow. Dá bayongan in intau in monotaaudon kon Akuoibí in ki Tuhan.’ ”

MALEAKHI 1:3

ki Esau in kinodoí-Ku. Butá tombuḷud i Esau in irimumud-Kudon, bo butánea in inogoi-Kudon kon mahaḷuk mita inta mokokaan kon biag ibanea kon padang gurun.”