YEHEZKIEL 34:30 - Alkitab Singog In Mongondow Masa In Tanaa

³⁰ Dá kotaauandon in bayongan in intau kon Israel in umat-Ku bo mosia in iḷukadan-Kubí. Akuoi, ki Tuhan Inta Totok in moḷantud ain nosingog.

YEHEZKIEL 34:30 Referans Kwoze

YEHEZKIEL 37:27

Akuoi in mogutunbí moyotakin monia, Akuoi in mobaḻíbí Allah monia bo mosia in mobaḻí umat-Ku.

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 14:11

Tua mita in pomiaan-Ku sinbá intau in Israel dikadon yumayú kon i-Nakó bo dika doman moponajis in awak in dosa. Pongin natua mosia in mobaḻídon umat-Ku, bo Akuoi in mobaḻí Allah monia.” Akuoi, ki Tuhan Inta Totok in moḷantud ain nosingog.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

YEHEZKIEL 16:62

Akuoi in mogaidbí kon dodandian mobagu takinmu. Dá kotaauanmudon kon Akuoibí in ki Tuhan.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

YEHEZKIEL 36:28

Dá moiko in mogutundon kon butá inta ain inogoi-Ku kon mogoguyangmu. Moiko in mobaḻídon umat-Ku bo Akuoi in mobaḻí ki Allahmu.