YEHEZKIEL 34:22 - Alkitab Singog In Mongondow Masa In Tanaa

²² Táe Akuoibí tontaní in moposaḷamat kon domba-Ku mita, sinbá diádon pomiaan monia ibo-ibog. Akuoi in monisigbí kon domba-Ku mita kon batúannea bo mopoyotondí kon inta mopia nongkon inta moraat.

YEHEZKIEL 34:22 Referans Kwoze

YEHEZKIEL 34:10

Akuoi, ki Tuhan Inta Totok in moḷantud in moguman kon inimu, kon Akuoi naa in musungmu. Domba-Ku mita tatua in gamáan-Kubí bui nongkon inimu bo diádon ogoi-Ku bui kon i monimu; moiko in diá bidon ogoi-Ku morai kon kopontingan monimu tontaní. Domba-Ku mita in posaḷamaton-Kubí nongkon inimu dá mosia in diádon mobaḻí kokaanonmu.’ ”

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”