YEHEZKIEL 34:16 - Alkitab Singog In Mongondow Masa In Tanaa

¹⁶ Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:16 Referans Kwoze

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YEHEZKIEL 34:11

Ki Tuhan Inta Totok in moḷantud in noguman, “Tayakon-Kudon tontaní in domba-Ku mita bo tompiaan in mosia,

MARKUS 2:17

Táe dinongog i Yesus in ḷoḻibó monia tatua, dá sinubagan-Nea, “Intau mita mosehat diábí moparaḷu kon dokter, tongábí intau motakit. Bo Akuoi in namangoi deemanbí mogoiní kon intau inta monganggap kon mopiadon in sia, táe mamangoibí kon intau mita inta ain inanggap yoyatan.”

YEHEZKIEL 39:18

Mosia in motaaubí in mokaan kon mayat mita in intau mita in pahlawan, bo monginum kon dugú in mongongawasa mita in dunia. Pahlawan mita bo mongongawasa tatua in ḻimodonbí naonda bo bembé mita koḷakian andeka ki adí mita in bembé, andeka bantong mita inta moḷomumu.

YESAYA 10:16

Popisí in intau in Asyur ain dinumodia, ki Tuhan Inta Totok in mokawasa in mopoangoibí in yampoi in takit sin mohukum kon porwira mita inta mongotorindog. Mosia in ponikonbí in patú totok naonda bo tuḷú inta tantú momokak.

YESAYA 5:17

Kon kinogoguyaatan in kotá ki adí in bembé bo domba in mokaan kon bonok bo diábí kodaitan in kaanonnea.

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 9:15

Tuamai, indongogaidon onu in aidan-Ku, Tuhan Inta Totok in mokawasa, Allah in Israel: umat-Ku in ogoian-Ku pinomuḷa mopait sin kaanon bo rasum sin inumon.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

MATIUS 15:24

Táe ki Yesus in notubag, “Akuoi pinotabá mamangoi sin motayak kon intau mita in Israel inta nongobuḻi.”

YEREMIA 50:11

Ki Tuhan in noguman, “Ei intau in Babel, moiko in nogagow kon umat-Ku. Moiko in ḷumansi-ḷansik sin mopia in gina naonda bo kabaḷo inta kumurik, bo naonda bo sapi inta koyogot in mokaan kon bonok.

YEREMIA 23:15

Ki Tuhan Inta Totok in mokawasa in noguman, “Ogoi-Kubí kon nabi mita kon Yerusalem tatua in pinomuḷa mopait sin kaanon bo rasum sin inumon, sin mosia in nokopopisídon kon intau mita kon sinangkub in butá doí mohoromat kon i-Nakó.”

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

MAZMUR 147:3

Sia in mongundam kon intau inta kinobuḻian in kamang, bo mobakut kon kekeb mita monia.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YEREMIA 31:8

Nongkon utuan dinia-Ku in mosia nobui; sinipun-Ku in mosia nongkon popod mita in butá. Intau bilog bo intau ḻempeng in moyotakinbí monia, bobay doman inta bagu nononggadí bo bobay inta dongkadon mogoḷat kon wakutu mononggadí. Mosia komintan in mamangoi mobayongbí totok in mamangoi in butá tanaa.

YEREMIA 50:6

Umat-Ku in nádon domba inta pinomayá mako in gombalanea mita noiḷaḻe kon buḷud. Mosia in nodondaḷoi nongkon buḷud tobatú mopobayá in buḷud ibanea bo diádon kinotaauannea monia in baḷoi monia.

ZEPANYA 3:19

Moiangoibí in orasnea kon monondorotmu rimumudon-Ku, bo intau nopelong posaḷamaton-Ku; bayongan in intau inta iḷumbú kapiton-Ku mobui. Koyoyempeng monia baḷuian-Ku mobaḻí kahoromatan; kon ondakabí, nodapot in kon sinangkub in butá, mosia in pomuliaanbí bo dayowon.

MAZMUR 72:2

Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEHEZKIEL 24:5

Paké in tapú in domba inta noḷongó bo batánea dugangai in kayu pondungú. Biódon mako in modidí bo mogoḷa-goḷak in tubignea tuondon in ponoyá tatua takin tuḷannea mita.”

MIKHA 5:3

Aka pongawasa tatua mamangoi, Sia in momarentabí kon umat-Nea podoyon kon ropot bo kawasa nongkon i Tuhan Allahnea tontaní. Umat-Nea in mobiagbí moodom, popisí in bayongan in intau kon dunia naa in mongakubí kon kawasa-Nea,

ZAKHARIA 10:3

Ki Tuhan in noguman, “Akuoi in tumorú totok kon pongawasa inta nomarenta kon umat-Ku, bo mosia in hukumon-Ku. Táe intau in Yohuda in Akuoi in kitogi, bo Akuoi, ki Tuhan Inta Totok in mokawasa in moḷukad kon i monia. Mosia in baḻíon-Ku kabaḷo in parang inta motorindog kon i-Nakó.