YEHEZKIEL 33:22 - Alkitab Singog In Mongondow Masa In Tanaa

²² Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

YEHEZKIEL 33:22 Referans Kwoze

YEHEZKIEL 37:1

Akuoi kinawasaan i Tuhan, bo Roho-Nea in nodia kon inakó nosiḻig kon ḷopá inta nopuḻing in tuḷan.

LUKAS 1:64

Kon dodaipa doman intua sia nokosingogdon bui bodongka nodayow kon i Allah.

YEHEZKIEL 40:1

Kon singgai impuḷúnea kon buḷan imitánea, kon taong indoyowa nopuḷú bo ḻima kon pinoḷumbúan kon inami, mopuḷú bo opat notaong naonda in Yerusalem sinaḷow, kawasa i Tuhan in nongawasa kon inakó, bo dinia-Nea in akuoi minayá.

YEHEZKIEL 3:22

Kinorasaanku in ropot in kinoangoian i Tuhan bo dinongogku in Sia noguman kon inakó, “Pobangondon bo bayádon kon ḷopá. Kon tua Akuoi in mopoyaput in singog kon inimu.”

KORINTUS 2 6:11

Utat mita kon Korintus inta kinotabiku! Kami in taran-tarangan bidon in nosingog kon i monimu, onu in kon gina nami aindon nodait pinotaau nami.

YEHEZKIEL 8:1

Kon singgai iḻimanea kon buḷan inggonomnea kon taong inggonomnea kon sempo in pinoḷumbúan kon inami, itoi mita in intau mita inta iḷumbú kon Yohuda in namangoi kon baḷoiku bo iḻimitú takinku. Bo daḻídon in kawasa i Tuhan Inta Totok in moḷantud nongawasa kon inakó.

YEHEZKIEL 29:21

Aka tua bo mobaḻídon, baḻíon-Ku in Israel bangusa inta moropot, bo mobogoi kon inimu Yehezkiel, mosingog diá in moḷamboi dá bayongan in intau mokidongogdon kon inimu. Dá kotaauandon monia kon Akuoibí in ki Tuhan.”

YEHEZKIEL 33:23

Ki Tuhan in noguman kon inakó,

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.