YEHEZKIEL 33:16 - Alkitab Singog In Mongondow Masa In Tanaa

¹⁶ Akuoi in diá bidon monoropmai kon dosa mita inta ain inaidannea, bo sia in mobiagbí popisí in mogaid kon onu inta moitutui bo inta mopia.

YEHEZKIEL 33:16 Referans Kwoze

YEHEZKIEL 18:22

Bayongan in dosanea in ampunganbí; mobiagbí in sia, sin nogaid kon inta moitutui.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

SURAT I PAULUS KON JAMAAT RUM 5:16

Totabi i Allah tua in moḷobe-ḷobenbí totok kon dosa in intau tobatú. Sin naonda in intau tobatú nogaid kon inta noitaḷá, pinoḷuai domandon in kaputusan: “Kotaḷá”. Táe naonda in nobayongdon intau in nogaid kon dosa, namangoi domandon in tombuinag nongkon i Allah inta noguman: “Diá Kotaḷá”.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

YEHEZKIEL 33:17

Táe bangusa tatua in noguman kon aid-Ku tatua in diá moadil! Bokaka aidbí monia in diá moadil.

MAZMUR 103:9

Sia in diábí umuran mongguak, bo diábí mononoi in torú-Nea.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.