YEHEZKIEL 33:12 - Alkitab Singog In Mongondow Masa In Tanaa

¹² Yo, intau ilo-ilow, pogumandon kon intau in Israel kon aka intau inta moraat mogaid kon dosa, dá aidnea mopia inta dungkuḷ in diábí mokotuḷung kon inia. Aka intau moraat mogogai in mogaid kon dosa, yo sia in diábí hukumon bo aka intau mopia mogaid kon dosa, yo sia in diábí posaḷamaton.

YEHEZKIEL 33:12 Referans Kwoze

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YEHEZKIEL 33:2

“Ei intau ilo-ilow, pogumandon kon bangusamu kon aka Akuoi in mopoangoidon in parang kon ḻipú tobatú, naa in inta mobaḻí. Intau mita inta nogutun kon butá tatua in momiḻíbí kon intau tobatú kon sigad monia mobaḻí moḷoḷukad.

YEHEZKIEL 18:21

Aka intau moraat bo diádon bui nomia kon dosa, bo nomangkoidon dinumudui kon hukum-Ku mita, poḷat mogaid kon inta mopia bo moitutui, yo diábí in sia matoi.

YEHEZKIEL 3:18

Aka Akuoi mopotaau kon intau moraat tobatú in matoibí, táe iko in diá mopotoingat kon inia sinbá baḷuiannea in gogutúnea modapot in sia mosaḷamat, dá matoi in sia saḷaku intau inta binaradosa, bo totaau kon kinopatoiannea in moibaba kon inimu.

YEHEZKIEL 33:20

Umpaka natua bangusa in Israel in nogumanbí kon aid-Ku tanaa in diábí moadil. Totuu, hakimon-Kubí in mosia kon batúannea podudui in aidnea.”

YEREMIA 18:8

bo bangusa tatua in mogogaidon nongkon dosanea, dá Akuoi in monginggamádon kon niat-Ku tatua.

YEREMIA 18:10

táe noiduduimai kon tua bangusa tatua diá motoḷutui kon i-Nakó bo nogaid kon inta moraat, dá niat-Ku tua in inggamáan-Kudon.”