YEHEZKIEL 32:7 - Alkitab Singog In Mongondow Masa In Tanaa

⁷ Kon dodai in yompaton-Ku in iko, koḷoban-Ku in ḷangit bo tundi mita in pokudowon-Ku. Mata in singgai in popoadop-Kudon kon goḷom bo buḷan in diádon monindar.

YEHEZKIEL 32:7 Referans Kwoze

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

YESAYA 13:10

Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YOËL 3:15

Mata in singgai bo buḷan in simindipdon, bo tundi mita in diádon monindar bui.”

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

MARKUS 13:24

“Táe naonda in kon wakutudon in roriga tatua, mata in singgai mobaḻídon mosindip, bo buḷan diádon monindar.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

YEHEZKIEL 30:18

Kon dodai intuata imbuitan-Kudon in pomarentaan in Mesir bo gamáan-Ku in kawasanea tatua inta nokoyunggagá kon inia, Tahpanhes in kokoḷobanbí in sindip bo bobaynea mita in dakopon.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

AMSAL 13:9

Intau mobanar naonda bo sindar inta motarang; intau moraat naonda bo togá nopiong.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.

AYUB 9:7

Ki Allah in motaaubí mogimaḷow kon mata in singgai in diá momuká kon dodai in doḷo-doḷom, bo diá mobogoi kon tundi mita monindar kon tungkuḷ in doḷom.

MOHOHUTUBA 12:2

Aka tua in moiangoidon yo matamu in diá bidon mosilang, dá mokuyoyowdon in sindar in mata in singgai, buḷan bo tundi. Goḷom morondí in mododia kon uyan, umuranbí kotaki-takinmu naonda bo gogondok.

YEHEZKIEL 31:15

Nanaa in singog i Tuhan Inta Totok in moḷantud, “Aka pangkoi in kayu tatua moponag kon dunia in intau minatoi, potabá-Ku in tubig kon ḻimonag in butá nonagom kon inia nobaḻí tomponuot nonogumatoi. Pogogaion-Kubí in toḷog in ongkag bo modimpot kon tapá mita. Popisí in pangkoi in kayu tatua minatoidon, popoangoi-Kubí in sindip kon buḷud mita in Libanon bo poḷaḷowon in bayongan in kayu kon kayuon.

YEHEZKIEL 34:12

naonda bo gombala motayak bo mosipun kon dombanea mita inta noirarit bo bui tompiaan. Mosia in diaan-Ku bui nongkon tampat mita inta kinoraritan monia kon singgai inta nosindip bo inta diá mopia tua.

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.