YEHEZKIEL 31:13 - Alkitab Singog In Mongondow Masa In Tanaa

¹³ Ḷagapan mita in mamangoibí bo monguyom kon pangkoi in kayu inta ain noumpag tatua, bo mahaḷuk mita ḻindong in moritakdon magí-mako kon tanganea mita.

YEHEZKIEL 31:13 Referans Kwoze

YEHEZKIEL 32:4

Pomobak-Ku in iko kon butá bo bayongan in ḷagapan takin bayongan in mahaḷuk kon dunia naa pokikaanan-Kudon kon inimu.

YEHEZKIEL 29:5

Onda intua iko bo bayongan in toyá tatua in pogambat-Ku kon rawang in bungaion. Awakmu in moirobudon kon butá bo moitongkob mako kon tua. Diábí tobatúmai in intau in moḷobong kon inimu. Awakmu in ogoi-Kubí kon ḷagapan mita bo mahaḷuk mita ibanea sin kaanon.

YESAYA 18:6

Mayat in tontaranea mita in taḷaandon nobaḻí kokaanon in ḷagapan mita kon sempo in pononinggai, bo mahaḷuk moraat kon sempo in tumping.”

YEHEZKIEL 31:6

Noyagi-yagimai in ḷagapan in nonompugad kon tanganea. Mahaḷuk ḻindong nononggadí kon siungonnea. Bayongan in bangusa moḷoben kon sinangkub in dunia iḻimitú noniung kon siungonnea.

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.