YEHEZKIEL 30:17 - Alkitab Singog In Mongondow Masa In Tanaa

¹⁷ Tayowmobiag mita in kotá in Heliopolis bo Bubastis in matoibí kon bonu in parang, bo bobay mita in dakoponbí.

YEHEZKIEL 30:17 Referans Kwoze

KINOBAḺIAN 41:45

Bo ki Yusup in sinangoianneadon in tangoi in intau Mesir, ki Zapnat-Paaneah. Inogoiannea domandon in buḷoi inta tangoinea ki Asnat, ki adí i Potisaḷaka inta nobaḻí imang kon kotá in Heliopolis. Ki Yusup umur toḷu nopuḷú notaong dodai in sia nogaid kon tayowon i datu in Mesir. Dá nobuatdon in ki Yusup nongkon komaḻig i datu bo minayá noḻibu kon bayongan butá in Mesir.

KINOBAḺIAN 46:20

Kon Mesir ki Yusup nokouḻí kon doyowa in adí, ki Manasye bo ki Epraim inta pinononggadí i buḷoinea inta ki Asnat in tangoinea, ki adí i Potisaḷaka, inta nobaḻí imang kon Heliopolis.

YEHEZKIEL 30:16

bo kotá tatua in mororiga bidon totok. Totuu, turubon-Kubí in Mesir. Dinding mita in kotá in Tebe in moumpagbí bo kotá tatua in untagonbí in ḷunud.

YEHEZKIEL 30:23

Porariton-Kubí in intau in Mesir kon sinangkub in dunia.

YEREMIA 43:13

Tugu mita in berhala kon Heliopolis kon Mesir, in rimumudonbí, bo kuil mita in dewa mita in Mesir pokakonbí komintan.”

AMOS 1:5

Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”