YEHEZKIEL 30:12 - Alkitab Singog In Mongondow Masa In Tanaa

¹² Ingkagan-Kubí in Ongkag in Nil bo mobogoi kon sinangkub in Mesir kon intau mita moraat. Intau mita ango-angoi potabá-Kubí moyompat kon sinangkub in butá tatua. Akuoi ki Tuhan, ain nosingog.”

YEHEZKIEL 30:12 Referans Kwoze

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

KORINTUS 1 10:26

Sin kon bonu in Buk Motusi ain pinais, “Dunia bo tombonunea naa in komintanbí kapunyaan i Tuhan.”

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YEHEZKIEL 28:10

Iko in matoibí naonda bo intau noempeng popisí in ḻimodon in intau ango-angoi inta diá nonotaau kon i Allah. Akuoi, ki Tuhan Inta Totok in moḷantud ain nosingog.”

YEREMIA 51:36

Tuamai in ki Tuhan in noguman kon intau in Yerusalem, “Akuoi in motuḷungbí kon pelekaramu bo motuḻí kon aid mita in musungmu mita kon inimu. Bokaká mita bo ongkag mita in Babel ingkagan-Kubí.

YEREMIA 50:38

Ingkagai in bayongan in ongkag bo gobánea! Sin, Babel in nopuḻingdon in berhala mita inta mokorongó, inta nokopopisí kon intau mita mososumbanea nobaḻí nobundai.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.