YEHEZKIEL 3:8 - Alkitab Singog In Mongondow Masa In Tanaa

⁸ Tanaa iko in baḻíon-Kubí pamandot bo motontogat doman in gina naonda bo mosia.

YEHEZKIEL 3:8 Referans Kwoze

YEREMIA 1:18

Indongogai! Iko in tayowanbí in intau mita kon butá tanaa, pinomayá datu mita in Yohuda, pomarenta mita, imang mita, bo rayat. Táe singgai naa Akuoi in mobogoi in ropot kon inimu sin monayow kon i monia. Iko in mobaḻídon naonda bo kotá inta dininding, naonda bo oigi uatoi bo dinding bitú. Mosia in diábí mokotaḷow kon inimu, sin Akuoi in moyotakinmu bo moḷukad kon inimu. Akuoi, ki Tuhan, ain nosingog.”

IBRANI 11:27

Popisí in mopirisaya doman, dá ki Musa in nonaḷámaidon kon Mesir diábí in ondoknea kon torú i datu. Sia in umuran nogaḷow kon tujuannea naonda bo inontongneadon in ki Allah inta diá koontongan tua.

MIKHA 3:8

Táe soaḷ akuoi naa, ki Tuhan in nopogonúdon in Roho bo kawasa-Nea. Akuoi in inogoian-Nea in pomomangaḻe soaḷ kooadil, bo kabaranian doman moponiata kon intau in Israel kon soaḷ dosa mita inta ain inaidannea.

YEREMIA 15:20

Iko in baḻíon-Ku naonda bo dinding porunggu kon i monia. Mosia in momarang kon inimu, táe diábí mokotaḷow kon inimu. Takinan-Kubí in iko sin moḷukad bo moposaḷamat kon inimu.

YESAYA 50:7

Sin ki Tuhan Allah in notuḷung kon inakó, dá akuoi in diá pinokopo oyámai. Akuoi in noginrigon kon ginaku sinbá mokoigon; kinotaauanku kon akuoi in diábí pokopooyáanmai.

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEHEZKIEL 3:7

Táe bangusa in Israel in doíbí mokidongog kon inimu, nodapot in Akuoi in diábí doman pinandungmai monia. Mosia komintan pamandot bo moibog momaḷawang.

YEHEZKIEL 3:9

Iko in baḻíon-Ku ná koroton in batu karang bo ná kotogat in intan. Dikadon moondok kon intau mita momomarontak tatua.”