Tongá Roho i Allah aindon noguman kon inakó kon wakutu in akuoi tumuot magí mako kon kotá-kotáannea, yo ponjara in nobaḻí tampatku bo roriga in umuran mogoḷat mako.
Naa in poguman-Ku kon inimu: Wakutu in iko noguodpa, ikodon tontaní in nogakod kon ogotanmu, bo mayábí in onda in koibogmu. Táe aka iko moguyangdon, yo potuntunmubí in ḻimamu bo intaudon ibanea in mogakod kon inimu bo diaannea kon tampat inta kodoímu bayáan.”
Akuoi in diábí sinumakin nobarasanang takin intau mita inta noyosipun sin moyambá. Popisí in motoḷutui kon ini-Mu dá sinumontaní in akuoi takin sinumorú.