YEHEZKIEL 3:12 - Alkitab Singog In Mongondow Masa In Tanaa

¹² Bo Roho i Allah in nobingkat kon inakó bo kon tumiku in kinodongoganku in singog in gotup inta noguman, “Dayowdon in kamuliaan i Tuhan kon soroga.”

YEHEZKIEL 3:12 Referans Kwoze

OUMAN IN RASUL MITA 8:39

Naonda in mosia nobatundon nongkon tubig tatua, daḻídon dinia in Roho i Tuhan in ki Pilipus, sahingga in diádon inontong in pogawai tatua in sia. Dá sia in nogingguputdon kon bobayáannea tatua takin pia in gina.

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

YEHEZKIEL 11:1

Bo akuoi in sinintak in Roho i Allah bo dinia kon bonawang Pomukaan kon Baḷoi Tuhan. Kon tua inontongku in 25 in intau, kon sigad monia tua oyúon in doyowa in itoi in bangusa, ki Yaazanya ki adí i Azur bo ki Pelaca ki adí i Benaya.

OUMAN IN RASUL MITA 2:2

Daḻí bo kinodongogan in singog nongkon ḷangit naonda bo tompot moropot nogirup. Baḷoi inta iḻitúan mako in intau mita tatua komintandon kinodongogan in singog tatua.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

WAHYU 19:6

Onda intua akuoi in nokodongog kon ná giow in intau mobayong inta noyosipun; kotombánea in naonda bo singog in bokoḷ kon dagat bo gotup inta moyo-moyodudui. Dinongogku mosia in noguman, “Dayowdon in ki Allah! Sin ki Tuhan, ki Allah naton Inta Mokawasa tua, nomarentadon in tanaa!

WAHYU 1:15

sioḷ-Nea in moriang naonda bo tambaga inta sinubá. Singog-Nea in naonda bo gonugur in tubig moḷoben inta moḷabú nongkon buḷud.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.

YEHEZKIEL 10:4

Sindar mokotuḷow inta nobaḻí tomponuot koangoian i Tuhan in nonindar nongkon kerub mita tatua bo nomamping kon ngara tumuot kon Baḷoi Tuhan, dá palasnea nobaḻídon nobayag totok.

YEHEZKIEL 9:3

Bo sindar mokotuḷow inta nobaḻí tomponuot koangoian i Allah in Israel, nonindar nongkon kerub mita, bodongka nomamping nongkon tampatnea inta muna bo minayá in ngara tumuot in Baḷoi Tuhan. Dá ki Tuhan in nogoiní kon intau inta nogiḷambung in ḷambung linen tatua, kai-Nia,

YEHEZKIEL 2:2

Kon dodai in singog tatua kinodongoganku, sinumuotdon in Roho i Allah kon inakó, bo pinosindognea in akuoi. Onda intua kinodongoganku bui in singog tatua noguman,

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

MAZMUR 148:2

Dayowdon in Sia, ei bayongan in malaekat-Nea, dayowdon in Sia, ei bayongan in tontara in soroga!

DATU MITA 2 2:16

bo noguman, “Kami in ḻima nopuḷú in naa, komintan mongoropot. Tuamai, koḻigai in kita mayá motayak kon i Elia ki tuangmu tua. Degá bo Roho i Tuhan in nodiadon kon inia pinobayá in buḷud andeka kon ḷopá, bo sinaḷáan kon tua.” “Dikadon!” tubag i Elisa.

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

YEHEZKIEL 3:11

Bayádon kon bangusamu inta kon bonu in pinoḷumbúan tatua, bo potaaudon in onu inta potaau-Ku, ki Tuhan Inta Totok in moḷantud kon i monia, moibog andeka doí in mosia mokidongog.”

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

YEHEZKIEL 43:4

Sindar mopouḻi-uḻinag tatua minayá nopobayá in bonawang kon dotá in pomukaan bodongka sinumuot kon bonu in Baḷoi Tuhan.

YEHEZKIEL 43:5

Roho i Tuhan nobingkat kon inakó bo dinianea in akuoi kon dangkuḷon dotá in bonunea; kon tua inontongku in Baḷoi Tuhan inta kinawasa in sindar kinoangoian i Tuhan.