YEHEZKIEL 29:5 - Alkitab Singog In Mongondow Masa In Tanaa

⁵ Onda intua iko bo bayongan in toyá tatua in pogambat-Ku kon rawang in bungaion. Awakmu in moirobudon kon butá bo moitongkob mako kon tua. Diábí tobatúmai in intau in moḷobong kon inimu. Awakmu in ogoi-Kubí kon ḷagapan mita bo mahaḷuk mita ibanea sin kaanon.

YEHEZKIEL 29:5 Referans Kwoze

YEREMIA 34:20

Ogoi-Kubí in moiko kon musung inta moibog moḻimod kon i monimu. Mayatmu in kaanonbí in ḷagapan bo mahaḷuk mokokaan kon mahaḷuk ibanea.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

YEREMIA 7:33

Mayat mita monia in mobaḻídon kokaanon in ḷagapan bo mahaḷuk inta mokokaan kon tapú, takin diábí in motayakmai.

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEHEZKIEL 31:18

Pangkoi in kayu tatua in nobaḻí tomponuot kon i datu in Mesir bo bangusanea. Diábí in pangkoi in kayu kon Eden inta totok in moḷantud bo momulia. Táe tanaa, naonda bo pangkoi mita in kayu kon Eden doman, pangkoi in kayu tatua in noponag doman kon dunia in intau minatoi bo moyosipun monia inta diá nonotaau kon i Allah bo takin i monia inta minatoi kon pinoparangan. Akuoi, ki Tuhan Inta Totok in moḷantud ain nosingog.”

YEREMIA 16:4

Mosia in matoi kotugatan in yampoi in takit inta mokopatoi, bo mosia in matoi kon poparangan andeka matoi in gogoy. Diábí tobatúmai in intau in mongombaḷ andeka moḷobong kon i monia. Mayat monia in moirarit magí mako naonda bo pupuk kon butá, bo kaanon in ḷagapan bo mahaḷuk inta mokokaan kon tapú.

MAZMUR 74:14

Iko in nomutuk kon uḷu mita in Lewiatan bo binaḻí-Mu in sia kokaanon in mogogutun kon padang gurun.

SAMUEL 1 17:44

Bo buipa doman in sia nonontot kon i Daud, kainia, “Angoidon in naa! Awakmu nion in pokaanonkudon kon ḷagapan bo mahaḷuk.”

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.

YEHEZKIEL 31:13

Ḷagapan mita in mamangoibí bo monguyom kon pangkoi in kayu inta ain noumpag tatua, bo mahaḷuk mita ḻindong in moritakdon magí-mako kon tanganea mita.