YEHEZKIEL 28:17 - Alkitab Singog In Mongondow Masa In Tanaa

¹⁷ Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YEHEZKIEL 28:17 Referans Kwoze

YEHEZKIEL 28:5

Totuu, mopandoi in iko modagang bo tanaa in nooyúondon totok, bo kaoyúonanmu tua in nokoḷoḷatú kon inimu!’ ”

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

YEHEZKIEL 31:10

Tuamai, Akuoi, ki Tuhan Inta Totok in moḷantud, nopotaau kon inimu onu in inta mobaḻí kon pangkoi in kayu inta ḷuntungnea noitunduḷ kon goḷom tua. Sin koḷantud-koḷantud yo koḷoḷatú-koḷoḷatú in sia.

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

YEHEZKIEL 32:10

Totuu, bambingon-Kubí in kedang-Ku bo monaḷow kon inimu. Datu mita bo bangusa mita in mokoontongbí kon onu in pomiaan-Ku kon inimu. Kon dodai intua mourotdon in ondok in mosia bo mogugur sin moondok in matoi.’ ”

YEHEZKIEL 23:48

Kon sinangkub in butá naa inggamáan-Kubí modait in aid mokotor ná tatua. Aid-Ku tua in mobaḻí tompoingat kon bayongan in bobay sinbá diá mokituaḻing ná doyowa mogutat tatua.

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 11:2

Intau inta moḷoḷatú in singkuḻeonbí; intau inta moompá in dodia in mobijaksana.

MAZMUR 147:6

Sia in noposindog in intau inta dinorot, táe intau moraat in pogambat-Nea kon butá.

MAZMUR 73:18

Pinotabá-Mu in mosia nongin daḷan inta morondog, bo pinomayá-Mu mako in mosia in moḷabú bo matoi.

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

YEHEZKIEL 27:4

Kon inimu baḷangon in naonda bo baḷoi. Iko in pinosindog naonda bo kapaḷ inta mogaga.

YEHEZKIEL 28:15

Oaidmu in nosompurna pinangkoi iko binaḻí nodapot in iko nomangkoi nogaid kon moraat.

YESAYA 25:12

Benteng mita in Moab takin dindingnea mita inta moḷantud in umpagon-Neabí bo pogambat-Nea kon butá modapot in morimumud ná ḷobud.

YESAYA 26:5

Ki Tuhan mopoonag kon intau inta moḷoḷatú; Sia in morimumud kon kotá monia inta dininding, bo potondodaion-Nea in butá.

DANIEL 11:12

Onda intua moyunggagábí in sia sin nountung bo popisí in noḻimodon kon nobayong in musung, táe kawasanea in diábí mononoi.