YEHEZKIEL 27:10 - Alkitab Singog In Mongondow Masa In Tanaa

¹⁰ Tontara mita nongkon Persia, Lidia bo Libia in tumuot mobaḻí tontaramu. Mosia in motadang kon kaḻeaw bo sapoyo uwaja monia kon dinding mita in kotámu. Mosia in noduḷudon nonaḷow kon musung mita bo nokodugang kon koḷoḷantud in tangoimu.

YEHEZKIEL 27:10 Referans Kwoze

YEHEZKIEL 38:5

Datu in sinakinan in tontara mita nongkon Persia, Sudan bo Libia, kon batúannea in nodia kon kedang bo sapoyo uwaja.

YEHEZKIEL 30:5

Kon poparangan tatua koḻimodan doman in tontara mita inta sinokouboḻian nongkon Sudan, Lidia, Libia, Arab, Kub bo nodapot doman in nongkon bangusa-Ku mita tontaní.”

YEREMIA 46:9

Poribatukdon, ei kabaḷo! Bayádon, ei kereta! Unadon, ei intau mita mongobarani inta nodia kon kaḻeaw nongkon Sudan bo Libia. Bo moiko doman, ei inta mongotoyang momiot nongkon butá in Lidia.’ ”

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

DONDONG MOḶANTUD 4:4

Sigogowmu naonda bo ḷangkeang i Daud, inta pinosindog sin potagúan kon ḷoḷutam. Boboḷmu notongkai in kaḻeaw toribu, tungkud in intau mita mongobarani.

NAHUM 3:9

Tebe in nomarenta kon Sudan bo Mesir, bo kawasanea in mononoi; Libia bo Put in notobatúnea.

DANIEL 5:28

sinilai; dodatuan i Tuangku in sinilai bo inogoi kon intau in Media bo Persia.”

YEHEZKIEL 27:11

Tontara mita nongkon Arwad in noḷukad kon dindingmu mita; ḷangkeangmu mita in iḷukadan in intau mita nongkon Gamad. Kaḻeaw monia in noibambé noyopipid kon dindingmu. Mosia tuata inta nogintompod kon kogogagamu.

TAWARIKH 1 1:17

Ki adí mita ḷoḷaki i Sem in ki Elam, ki Asyur, ki Arpakhsad, ki Lud, ki Aram, ki Us, ki Hul, ki Geter bo ki Mesekh. Mosia tua in mogoguyang in bangusa mita inta sinangoian pinodudui in tangoi monia.

TAWARIKH 1 1:11

Buí i Mesir in intau mita in Lidia, Anamim, Lehabim, Naptuhim,

TAWARIKH 1 1:8

Ki adí mita ḷoḷaki i Ham in Kus, Mesir, Libia bo Kanaan. Mosia in nobaḻí mogoguyang in bangusa mita inta sinangoian pinodudui in tangoi monia.

KINOBAḺIAN 10:22

Ki adí mita i Sem in ki Elam, ki Asyur, ki Arpakhsad, ki Lud bo ki Aram.

KINOBAḺIAN 10:13

Buí i Mesir in intau mita inta nogutun kon Lidia, Anamim, Lehabim, Naptuhim,

KINOBAḺIAN 10:6

Ki Adí mita i Ham in ki Kus, Mesir, Libia bo Kanaan.

YEHEZKIEL 26:17

Onda intua mosia mopodondong in dondong poḷobongan kon inimu: Norimumudon in kotá inta dinende-dendé! Bayongan in kapaḷnea sinimpat nongkon baḷangon. Intaunea mita dungkuḷmai nongawasa kon dagat nodapot in intau mita in pintad noondok.