YEHEZKIEL 24:27 - Alkitab Singog In Mongondow Masa In Tanaa

²⁷ Kon singgai doman tatuata iko in mokosingogdon bui bo diádon mobobó. Bo iko in moyosingogdon in intau tatua. Natuata iko in mobaḻídon tomponuot kon i monia; dá kotaauandon monia kon Akuoibí in ki Tuhan.”

YEHEZKIEL 24:27 Referans Kwoze

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

YEHEZKIEL 29:21

Aka tua bo mobaḻídon, baḻíon-Ku in Israel bangusa inta moropot, bo mobogoi kon inimu Yehezkiel, mosingog diá in moḷamboi dá bayongan in intau mokidongogdon kon inimu. Dá kotaauandon monia kon Akuoibí in ki Tuhan.”

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

YEHEZKIEL 25:1

Ki Tuhan in noguman kon inakó,

DANIEL 10:15

Kon dodai in sia noguman kon tua, kinumuyung in akuoi bo diádon nokosingog.

YEHEZKIEL 4:3

Gamádon in pansi uatoi bo anggapdon tua dinding uatoi tobatú; ukat in pansi tatua kon sigadmu bo kotá in Yerusalem. Onda intua tayowdon kon kotá tatua naonda bo iko in nongopung kon tua. Tua in mobaḻí lambang kon bangusa in Israel.