YEHEZKIEL 22:31 - Alkitab Singog In Mongondow Masa In Tanaa

³¹ Tuamai in tanaa pinobayá-Kudon in torú-Ku kon i monia, bo naonda bo tuḷú Akuoi in moyompat kon i monia popisí in aid monia. Akuoi ki Tuhan Inta Totok in moḷantud ain nosingog.”

YEHEZKIEL 22:31 Referans Kwoze

YEHEZKIEL 16:43

Akuoi in nohukum kon inimu popisí in kinoḻionganmudon naonda in pinomomiag-Ku kon inimu kon tungkuḷ in iko noguodpa. Pinomukámu in torú-Ku pinodoyon kon aidmu inta moraat tua. Nongonu sin bayongan in aidmu inta mokorongó tua dinuganganmupa doman in totuaḻingan? Akuoi ki Tuhan Inta Totok in moḷantud ain nosingog.”

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

YEHEZKIEL 7:3

Ki Tuhan in noguman, “Ei Israel, tanaa in noiangoidon in kopaḷutanmu. Iko in mokonanamdon kon torú-Ku. Iko in sisigan-Ku podudui in aidmu inta moromú.

YEHEZKIEL 11:21

Táe intau mita inta moibog mosumba kon berhala mita inta moraat bo mokorongó in hukumon-Kubí popisí in dodia monia inta moraat tatua.” Natuata in singog i Tuhan Inta Totok in moḷantud.

WAHYU 16:1

Bo akuoi in nokodongog kon singog moḷoben nongkon bonu in Baḷoi Allah noguman kon malaekat pitu tatua, “bayádon bo pobutakdon bonu in palo in torú i Allah inta pitu tanion kon tudu in butá!”

YESAYA 10:5

Ki Tuhan in noguman, “Moboditodon in Asyur! Asyur in pakéon-Ku nobaḻí sambok bo popangkuḷ sin momongkug kon intau mita inta kinotugatan in torú-Ku.

YESAYA 13:5

Mosia in namangoi nongkon ḻipú mita inta noyayú kon popod mita in dunia. Kon bonu in torú-Nea ki Tuhan in nomaké kon i monia sin moyopú kon sinangkub in dunia.

YESAYA 30:27

Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú.

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

YEHEZKIEL 7:4

Akuoi in diá bidon motabi andeka mongampung kon inimu. Akuoi in mohukumbí kon inimu podudui in bayongan in aid moraat inta ain inaidanmu. Dá kotaauanmudon kon Akuoibí in Tuhan.”

YEHEZKIEL 23:1

Ki Tuhan in noguman kon inakó, kai-Nia,

YEHEZKIEL 30:8

Aka turubon-Ku in Mesir bo moḻimod kon bayongan in totakinnea, yo kotaauandon monia kon Akuoibí in ki Tuhan.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

YESAYA 29:2

Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YEREMIA 8:13

Moibog totok in Akuoi mosipun kon umat-Ku naonda bo intau mosipun kon bungai in boyónea. Táe, umat-Ku in naonda bo pangkoi in anggur bo pangkoi in ara inta diá nomungai, nodapot in daunnea mita in noḷaot domandon. Tuamai Akuoi in nobogoidon kon intau ango-angoi in namangoi bo nongawasa kon butá monia. Akuoi, ki Tuhan, ain nosingog.”