YEHEZKIEL 22:16 - Alkitab Singog In Mongondow Masa In Tanaa

¹⁶ Iko in singkuḻeonbí in bangusa mita ibanea, dá kotaauanmudon kon Akuoibí in ki Tuhan.”

YEHEZKIEL 22:16 Referans Kwoze

YEHEZKIEL 6:7

Kon bayongan tampat oyúon in intau in kinoḻimodan, bo mosia inta mosaḷamat in monotaaudon kon Akuoibí in ki Tuhan.

YEHEZKIEL 7:24

Bangusa mita inta totok in moromú in poangoi-Kubí sin mongawasa kon baḷoimu mita. Intaumu mita inta mongotoyang bo inta mongotorindog in moondokbí aka pomayá-Ku mako in bangusa mita tatua morimumud kon tampat mita pooibadaanmu.

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

YEHEZKIEL 39:28

Dá kotaauandon in umat-Ku kon Akuoibí in ki Tuhan Allah monia. Sin Akuoibí inta nokidia kon i monia pinobayá in pinoḷumbúan, táe Akuoibí doman inta nodia kon i monia nobui kon butá monia tontaní, takin diábí nonaḷámai kon tobatúmai in intau nongkon i monia kon tua.

YEHEZKIEL 25:3

Potabádon in bangusa tatua mokidongog kon onu inta poguman-Ku, ki Tuhan Inta Totok in moḷantud kon i monia, ‘Mopia in gina monimu in mokoontong kon Baḷoi-Ku in kotoron bo butá in Israel in poguyaaton bo bangusa in Yahudi in akuton kon poḷumbúan.

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YESAYA 43:28

Imangmu mita in nopokotordon in baḷoi-Ku. Dá Israel in inogoi-Ku sin poompáanmai, buí i Yakub in pinomayá-Kudon mako iyompat.”

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

DATU MITA IMITÁNEA 20:28

Bo namangoidon in nabi tobatú kon i Datu Ahab bo noguman, “Naa in pinoguman i Tuhan: ‘Popisí in intau mita in Siria tatua norai kon Akuoi in tongábí nongawasa kon buḷud bo diábí in kon ḷopá, dá popountung-Kubí in moiko nongkon tontara monia inta diádon poḻiuan in kobayongnea tua. Iko bo rayatmu in monotaaubí kon Akuoibí in ki Tuhan.’ ”

DATU MITA IMITÁNEA 20:13

Kon dodai intua, nabi tobatú minayá kon i Datu Ahab bo noguman, “Ki Tuhan in noguman: ‘Inontongmu degá in tontara inta mobayong tatua? Popountung-Kubí in iko kon i monia in singgai naa. Kotaauanmu bidon kon Akuoi in ki Tuhan.’ ”

IḶUAIAN 8:22

Táe taḻiban-Kubí butá in Gosyen, tampat pinogutunan in umat-Ku. Kon tua in diábí popoangoian-Ku in ḷangow, sinbá kotaauan monimu kon Akuoi, ki Tuhan, in nomia kon tua.

YEHEZKIEL 22:17

Ki Tuhan in noguman kon inakó,

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.