YEHEZKIEL 21:4 - Alkitab Singog In Mongondow Masa In Tanaa

⁴ Kedang-Ku in pakéon-Ku ponayow-Ku kon bayongan in intau nongkon utuan nodapot in toḷatan.

YEHEZKIEL 21:4 Referans Kwoze

YEHEZKIEL 20:47

Potabádon in kayuon tatua mokidongog kon onu in poguman-Ku ki Tuhan Inta Totok in moḷantud kon inia, ‘Indongogaidon! Poyongkiton-Kubí in tuḷú inta momokak modait kon bayongan in pangkoi in kayu inta oyúon kon inimu, pinomayá inta ain noḷaḷow andeka inta nobiagpa. Tuḷú inta nodokot tua in diábí kopiongan. Sia in ḷumekepbí nongkon toḷatan mopobayá ná utuan, bo bayongan in intau in mokorasabí kon patúnea.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot:

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 25:27

Bo ki Tuhan in noguman kon inakó, “Pogumandon kon intau mita tatua kon Akuoi, ki Tuhan Inta Totok in mokawasa, Allah in Israel, nopotabá kon i monia nonginum nodapot in noḷoḷangu bo nototuka. Binaḻí-Ku in mosia noḷabú bo diádon mokobangon bui popisí in parang inta popoangoi-Ku kon i monia.

YEHEZKIEL 14:17

Dika-dika popoangoi-Ku in parang kon butá tatua, bo popoangoi-Ku in ḷoḷutam mita inta motoyang sin moyopú kon intau bo mahaḷuk.

YEHEZKIEL 20:46

“Ei intau ilo-ilow, indoidon kon dotá in toḷatan. Toboḷowdon in butá in toḷatan, torúaidon in kayuon kon tua.

YEHEZKIEL 21:9

“Ei intau ilo-ilow, ponoḻindapdon! Potaaudon kon intau mita kon Akuoi, ki Tuhan in nogumandon nanaa, ‘Oyúon in kedang tobatú, kedang inta inatá bo iḷanitan.

YEHEZKIEL 21:10

Sia in iḷanitan sinbá mokopatoi, iriditan sinbá mopouḻi-uḻinag. Diádon in mokoḷunganga kon umat-Ku sin bayongan in tompoingat bo hukuman ain sinaḷáan monia.