YEHEZKIEL 21:28 - Alkitab Singog In Mongondow Masa In Tanaa

²⁸ “Ei intau ilo-ilow, ponoḻindapdon! Potaaudon kon intau in Amon inta ain noningkuḻe kon Israel, kon Akuoi, ki Tuhan Inta Totok in moḷantud in noguman, ‘Kedang tobatú ain sinadia poḻimod, kedang tatua in inatádon nopouḻi-uḻinag naonda bo kilat, sinbá motaaudon poḻimod.

YEHEZKIEL 21:28 Referans Kwoze

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YESAYA 31:8

Asyur in yopúonbí kon parang, táe deemanbí podoyon kon ropot in intau. Intau in Asyur in moḷaguibí nongkon tampat popoparangan, bo intau mita monia inta mongobagupa in baḻíon bobantung.

YEREMIA 46:10

Táe akuoi, ki Yeremia in noguman kon naa in singgai i Tuhan Inta Totok in moḷantud bo mokawasa; kon singgai tatua Sia in notuḻí kon bayongan in musung-Nea. Pitow-Nea in mokaanbí kon i monia modapot in mobotug, bo monginum kon dugú monia modapot in moguḻí. Singgai naa ki Tuhan Inta Totok in mokawasa, noratá kon kuruban-Nea mita kon utuan, kon bingkí in Ongkag in Eprat tatua.

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

YEHEZKIEL 36:15

Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

YEHEZKIEL 17:13

Bo piniḻínea in intau tobatú nongkon motoḷuadí in datu in Yohuda tatua, nomia kon dodandian takinnea, bo nopotabá kon inia nongibot kon motoindudui kon inia. Ki Datu in Babel tatua in nodomok kon intau mita mongoponting,

YEHEZKIEL 17:15

Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.