YEHEZKIEL 21:26 - Alkitab Singog In Mongondow Masa In Tanaa

²⁶ Akuoi, ki Tuhan Inta Totok in moḷantud ain nosingog. Ḷuatdon in mahkotamu bo bukádon in bogot in uḷumu. Tanaa, nobaḷuidon in kaadaan. Sintakdon in ḷoḻitúan in intau bogá bo ogoiaidon in mosia in kawasa! Poponagdon in mongongawasa nongkon ḷoḻitúannea!

YEHEZKIEL 21:26 Referans Kwoze

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

LUKAS 1:52

Datu mita in dunia naa poponagon-Nea mita nongkon tampat pomomarentaan monia, táe intau mita inta moompá in dodia in poḷantudon-Nea.

YEHEZKIEL 16:12

Inogoi-Ku kon inimu in sising in ngiung, nganti-nganting bo mahkota inta mogaga.

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

DATU MITA 2 25:27

Kon singgai nogindoyowa nopuḷú bo pitu kon buḷan impuḷú bodoyowá kon taong intoḷu nopuḷú bo pitu naonda in ki Yoyakhin dinia kon pinoḷumbúan, ki Ewil-Merodakh in nobaḻí datu in Babel. Kon taong tatua doman pinoontongneadon in tabinea kon i Yoyakhin, bo pinoḷuaineadon kon ponjara,

DATU MITA 2 25:6

Onda intua ki Datu Zedekia in dinia kon i Datu Nebukadnezar kon kotá in Ribla, bo pinopoḷabúan in hukuman.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

AMSAL 27:24

sin kaoyúonan in diábí mononoi, nodapot in kawasa momarenta in diábí doman mononoi.

HAKIM MITA 17:5

Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

YESAYA 47:12

Tantúdon aidai in sinotaaumu bo sihirmu, inta mokororiga kon inimu nongkon mongoadíanpamai. Dika-dika tua in baraguna kon inimu, mopogogondok kon musungmu mita.