YEHEZKIEL 21:25 - Alkitab Singog In Mongondow Masa In Tanaa

²⁵ Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

YEHEZKIEL 21:25 Referans Kwoze

YEHEZKIEL 35:5

Nongkon koḻipodpabímai sinaturu monimu in Israel bo nopomayá mako sinota-totad kon dodai in mosia kinoantugan in bodito saḷaku hukuman imbuitnea popisí in dosa monia.

YEHEZKIEL 21:29

Oontongon inta inontong monimu in diábí totuu oontongon, bo toḻindap inta siningog monimu in diá doman totuu bo uboḷ. Moiko in moraat bo binaradosa, bo wakutu pohukuman kon inimu pangabisan in nodiugdon. Kedang tatua in momongkóbí kon sigogowmu.

YEHEZKIEL 17:19

Podoyon kon i-Nakó, Allah inta nobiag, ki Tuhan Inta Totok in moḷantud, ki datu in Yohuda in hukumon-Kubí popisí in iḻimimpatdon kon dodandiannea takin i datu in Babel, bokaka sia in nongibotdon pinodoyon kon tangoi-Ku kon intompodanneabí.

YEREMIA 52:2

Ná ki Datu Yoyakim, ki Datu Zedekia in binaradosa doman kon i Tuhan.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

YEHEZKIEL 7:6

Tanaa in bayongan yagi-yagi ain nopaḷut. Naadon in kopaḷutanmu. Diádon in kamang kon inimu.

YEREMIA 51:13

Butá tatua in nooyúon totok bo nobarong in ongkagnea, táe wakutu in kobiagannea in nodaitdon; imbuit in kobiagannea noidapotdon.

YEREMIA 24:8

Táe ki Zedekia datu in Yohuda, takin pojabat mita inta modagin kon inia, bo ki agat in intau in Yerusalem inta umuran nogutun kon bonu in butá tanaa andeka inta nomamping kon Mesir, mosia komintan in aidan-Kubí ná bungai in ara inta nongoburuk tanaa, inta diá motaau kaanon. Akuoi, ki Tuhan, ain nosingog.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

MAZMUR 37:13

Táe kosinganbí i Tuhan in intau moraat, sin kinotaauan-Neabí in imbuit in kobiagan in intau tatua in nodiugdon.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

YEHEZKIEL 7:3

Ki Tuhan in noguman, “Ei Israel, tanaa in noiangoidon in kopaḷutanmu. Iko in mokonanamdon kon torú-Ku. Iko in sisigan-Ku podudui in aidmu inta moromú.

YEHEZKIEL 21:12

Ei intau ilo-ilow, pogamuidon bo pomaḷú! Sin kedang tatua in nosadiadon monayow kon umat-Ku. Itoi mita in Israel takin bayongan in bangusa tumbukonbí in kedang tatua modapot in matoi. Dá tokapdon in dodobmu takin robonoḷ,

YEHEZKIEL 21:24

Akuoi, ki Tuhan Inta Totok in moḷantud in noguman kon i monia, ‘Dosamu mita kinotaauandon bo bayongan in intau in nokotaaudon kon kotaḷá in moiko. Aidmu moraat in koontongan kon bayongan in dodiamu. Tanaa in wakutuneadon hukumon in moiko bo ogoi-Ku in moiko kon musungmu.’

MAZMUR 48:13

Ḻibudon in Sion, ḻibudon in sia, bo iyapdon in ḷangkeangnea.

YEREMIA 49:1

Naa inta pinoguman i Tuhan soaḷ Amon, “Nongonu sin butá in suku Gad in inagowbí bo iḻitúan in intau mita inta nosumba kon i Dewa Milkom? Eta degá diádon in intau in Israel inta mokoḷukad kon butá tatua?

YEREMIA 49:2

Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YEHEZKIEL 25:5

Kotá in Raba in baḷuian-Ku mobaḻí popokaanan kon unta, bo sinangkub in butá in Amon mobaḻí popokaanan in domba. Dá kotaauandon monimu kon Akuoibí in ki Tuhan.’ ”

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.