YEHEZKIEL 21:22 - Alkitab Singog In Mongondow Masa In Tanaa

²² Noniata magí dá piot inta kinogamáan in ḻimanea koḷanan pinaisan in Yerusalem! Dá mangaḻenea kon tua ki datu in musti monubu kon kotá in Yerusalem, mopobaḷú in kokow in parang bo mopotabá in tontaranea kon moposadia in pakakat mita podumpak, posindogon kon bonawang mita in Yerusalem, momontuyung kon butá baḻíon dinding pongopungan bo mongaḻi kon got mita.

YEHEZKIEL 21:22 Referans Kwoze

YEHEZKIEL 4:2

Bo gambardon in pongopungan kon kotá tatua, takin gotnea mita, butá mita inta pinomumbun, ḷoḷaigan mita bo pakakat mita inta podumpak kon ḻibu mita in dindingnea.

YEHEZKIEL 26:9

Dangatanbí monia in dindingmu mita takin momaké in dodangat bo mogumpag kon ḷangkeangmu mita momaké in uatoi mita.

YEREMIA 52:4

Tuamai ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea buḷan noginpuḷú kon taong in siownea kon pinomarentaan in Zedekia. Mosia in noposindog in markas kon ḷuai in kotá, noposindog in dinding pongopungan

YEREMIA 51:14

Ki Tuhan Inta Totok in mokawasa nongibot pinodoyon kon i-Nia tontaní kon Sia in mopotabá mangoi kon intau ná kobayong in pangkoḷá sin monubu kon Babel, bo mosia in mopobaḷú in baḷú kountungan.

YEREMIA 33:4

Komaḻig i datu in Yohuda bo baḷoi mita kon kotá in Yerusalem ain kinokai sin moginropot kon poḷukadan kon pinongopungan bo pinonubuan in musung. Táe Akuoi, ki Tuhan, Allah in Israel, noguman kon

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

AYUB 39:25

Sia in moganggor pomuḷoi in torompet irupon nongkon noyayú kobóannea in bó in poparangan. Dinongognea in baḷú in porwira mita kon dodai in mosia mobogoi in tompoingat.

SAMUEL 1 17:20

Nobangon monik, doḷo-doḷom, ki Daud nobangon bo nonouḷut. Dombanea in pinoki ḷukadnea kon moḷoḷukad tobatú, onda intua nogamá in sia kon tongkaaḷnea bo minayá, podudui in parenta i amánea. Sia in nodapot kon pinononḷoḷaigan kon dodai in intau in Israel mobuat mayá in tampat popoparangan sindaḷan momaḷú in parenta moparang.

YOSUA 6:20

Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.

YOSUA 6:10

Bayongan in tontara pinarentaandon kon diá morogiow bo diábí moposingo-singog aka diápa in ki Yosua mobogoi in parenta.

DATU MITA 2 25:1

Onda intua ki Zedekia in nomarontak kon i Nebukadnezar datu in Babel. Tuamai in ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea kon buḷan noginpuḷú kon taong noginsiow kon pinomarentaan i Zedekia. Mosia in noposindog in markas kon ḷuai in kotá, noposindog doman in dinding pongopungan,

YEREMIA 4:16

Mosia in nopotoingat kon bangusa mita bo nopotaau kon intau in Yerusalem kon musung niondon taya-taya mangoi nongkon butá inta moyayú. Mosia in mopobaḷúbí in baḷú in parang kon kotá mita in Yohuda

YEHEZKIEL 26:8

Intau mita kon bayongan kotá inta kon butá tanaa in ḻimodon kon bonu in poparangan tatua. Musung in mongaḻibí kon got mita poḷoḷukadan, bo momumbun kon dinding mita pongongopungan bo momipid kon kaḻeaw mita moḷoben sin pakéon monia benteng monayow kon inimu.

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:13

Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.