YEHEZKIEL 21:2 - Alkitab Singog In Mongondow Masa In Tanaa

² “Ei intau ilo-ilow, kutukdon in Yerusalem. Kutukdon in tampat mita pooibadaan kon tua. Potoingatdon kon butá in Israel,

YEHEZKIEL 21:2 Referans Kwoze

YEHEZKIEL 20:46

“Ei intau ilo-ilow, indoidon kon dotá in toḷatan. Toboḷowdon in butá in toḷatan, torúaidon in kayuon kon tua.

YEHEZKIEL 4:7

Indoiaidon in pongopungan kon Yerusalem. Tonggódon in koyungkummu kon kotá tatua bo poyaputdon in koyow-Ku soaḷ hukuman kon i monia.

YEHEZKIEL 28:21

“Ei intau ilo-ilow, kutukdon kotá in Sidon.

YEHEZKIEL 25:2

“Ei intau ilo-ilow, kutukdon in butá in Amon.

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

MIKHA 2:6

Intau mita in mohutuba kon i nakó, kainia, “Dika mohutuba kon i nami. Dika mohutuba kon soaḷ mita tatua. Kami in diábí angoian in oyá.

AMOS 7:16

Tuamai in indongogaidon onu in pinoguman i Tuhan kon inimu. Popisí in iko diá nobogoi kon inakó mohutuba monayow kon bangusa in Israel,

YEHEZKIEL 38:2

“Ei intau ilo-ilow, kutukdon in ki Gog datu moḷoben nongkon butá mita in Mesekh bo ki Tubal kon butá in Magog.

YEHEZKIEL 36:1

Ki Tuhan in noguman, “Ei intau ilo-ilow, posingogdon kon buḷud mita in Israel bo pokiindongogaidon in mosia mokidongog kon tosingogon i Tuhan Inta Totok in moḷantud,

YEHEZKIEL 29:2

“Ei intau ilo-ilow, torúaidon in ki datu in Mesir. Potaaudon kon inia kon sia takin bayongan in rayat in Mesir in hukumonbí.”

YEHEZKIEL 6:2

“Ei intau inta ilo-ilow, ḷangagaidon in buḷud mita in Israel, bo potaaudon in koyow-Ku soaḷ hukuman kon i monia.

YEHEZKIEL 4:3

Gamádon in pansi uatoi bo anggapdon tua dinding uatoi tobatú; ukat in pansi tatua kon sigadmu bo kotá in Yerusalem. Onda intua tayowdon kon kotá tatua naonda bo iko in nongopung kon tua. Tua in mobaḻí lambang kon bangusa in Israel.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.

AYUB 29:22

Mopaḷut mako mosingog in akuoi, diá bidon in paraḷu dugangan; tosingogon moitonop naonda bo totuyú in tubig in uyan.

YEHEZKIEL 21:1

Ki Tuhan in noguman kon inakó, kai-Nia,

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

YEHEZKIEL 24:9

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tatua! Akuoibí tontaní in monompia kon kayu potubáan kon inia.