Biblia Todo Logo
Bib sou entènèt

- Piblisite -




YEHEZKIEL 20:36 - Alkitab Singog In Mongondow Masa In Tanaa

36 ná inta ain inaidan-Ku kon mogoguyangmu kon Rawang in Sinai. Akuoi ki Tuhan Inta Totok in Moḷantud ain nosingog.

Gade chapit la Kopi




YEHEZKIEL 20:36
17 Referans Kwoze  

Táe tayowmobiag mita tatua in doí doman nokidongogmai kon i-Nakó. Iḻimimpat in mosia kon hukum-Ku mita bo nonaḷámai kon parenta-Ku mita, inta nopodandi kon intau inta dumudui kon tua in umuranbí mobiag. Mosia in noporaa-raatmaidon kon singgai in Sabat. Tuamai in nosadiadon in Akuoi mopoḷuai in torú-Ku kon i monia kon rawang in bungaion tatua bo moḻimod kon i monia komintan.


Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.


Nouḻí-Nea in mosia koyogot modondaḷoi kon tampat inta noingongow kon padang belantara. Bo inoḻiungan-Nea poḷat iḷukadan in mosia bo pinoḷoḷukad-Nea kon i monia in naonda bo Sia in kitogi.


Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.


Ki Tuhan in noguman, “Tanaa in umat-Ku in pinelekara-Ku bui, bo buínea in sisigan-Ku.


Modapot kon popod in butá singog-Nea in kodongogan; ki Tuhan in momia kon pelekara kon bangusa mita. Bayongan in intau in sisiganbí bo inta moraat in hukumonbí matoi.’ ”


Akuoi in mobukábí kon ḷaḷa sin podomok kon inia. Diaan-Kubí in sia pobayá in Babel bo hukumon-Ku kon tua, popisí in diá motoindudui kon i-Nakó.


Bo moiko in diaan-Ku mayá in ‘Rawang in bangusa mita’. Kon tua sisigan-Ku in moiko moyogintayow mako,


“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”


Indongogaidon, ei domba-Ku mita! Akuoi, ki Tuhan Inta Totok in moḷantud in moguman kon inimu kon Akuoi in monisigbí kon i monimu kon batúannea bo mopoyotondí kon inta mopia nongkon inta moraat, domba mita poyotondíon in bembé mita.


Swiv nou:

Piblisite


Piblisite