YEHEZKIEL 20:29 - Alkitab Singog In Mongondow Masa In Tanaa

²⁹ Akuoi in noḻibó kon i monia, ‘Tampat mita moḷantud onu inta binayáan monimu tatua?’ Dá pinangkoi kon dodai intua tampat mita tatua sinangoian ‘Tampat mita moḷantud’.

YEHEZKIEL 20:29 Referans Kwoze

YEHEZKIEL 16:31

Kon rawang in kotá bo kon pomuḷoi in daḷan pinoposindoganmu in tampat mita pososumbaan kon berhala bo sumundaḷ. Táe iko in deemanbí ná sundaḷ biasamai inta moparaḷu kon doit.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 20:30

Dá potaaudon kon intau in Israel in onu inta pinotaau-Ku kon i monia, Akuoi ki Tuhan Inta totok in moḷantud. ‘Nongonu sin moiko in nomiabí kon dosa mita ná inta pinomia in mogoguyangmu? Ná mosia, moiko in dinumudui doman kon berhala mita inta mokorongó tua.