YEHEZKIEL 20:22 - Alkitab Singog In Mongondow Masa In Tanaa

²² Táe Akuoi in diábí nogaid kon tua sinbá tangoi-Ku in diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:22 Referans Kwoze

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

YEHEZKIEL 20:17

Táe onda intua notabi in Akuoi kon i monia, dá diá nobaḻí iḻimod-Ku kon rawang in bungaion tatua.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

AYUB 13:21

pogogaidon in mopororiga kon inakó, bo dikadon popoantugan-Mu in kototoyang-Mu in akuoi!

DANIEL 9:19

Tuhan, indongogaipa kaasí in kami, ampungaidon in kami, indoiaipa in kami bo ḷagidon posaḷamat! Dikabí mokopoonggot, sinbá bayongan in intau monotaau kon Ikobí in ki Allah. Sin Yerusalem bo umat-Mu in kapunyaan-Mubí inta ain sinondí.”

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

OMBAḶ 2:8

Ki Tuhan ain nonantú kon dinding mita in Sion mustibí umpagon. Dinding mita tatua in inukur-Neadon, sinbá komintan korimumudan-Nea. Dinding mita bo ḷangkeang mita, tanaa in nobaḻídon apug komintan.

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.