YEHEZKIEL 18:16 - Alkitab Singog In Mongondow Masa In Tanaa

¹⁶ andeka nondorot andeka nogagow kon i inekadon. Pakakat mita in intau inta nobaḻí tontogot kon boboḻian kon inia umuranneabí pobuion. Intau inta ginogoi ogoiannea in kaanon bo intau inta diá koḷambung inogoiannea in ḷambung.

YEHEZKIEL 18:16 Referans Kwoze

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

LUKAS 14:13

Manangka intua aka iko bo mogaid kon bobutungan, yo oinídon in intau mita bogá, intau nongobogit, intau mita inta ḻempeng, bo intau mita bilog.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

AMSAL 31:20

Sia in diábí morinut kon intau inta kinodaitan; sia in mopiabí in gina kon i monia inta moparaḷu kon totuḷung.

AMSAL 25:21

Aka musungmu bo gogoyon, yo ogoiai in kaanon in sia; bo aka morogang in sia, ogoiai in inumon.

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

MAZMUR 41:1

Kon i itoi in mododondong. Mazmur i Daud.

AYUB 31:19

Aka ontongonku in intau inta diá koonu bo onu, inta diá mokotaḷui kon ḷambung,

AYUB 22:7

Intau inta noḷopí diá inogoianmu in inumon, inta gogoyon diá pinoki pongaananmu.

MATIUS 25:35

Sin wakutu in akuoi ginogoy, inogoian monimu Akuoi in kaanon, wakutu in Akuoi noyogang, inogoian monimu in Akuoi in inumon; wakutu in Akuoi nobaḻí intau mokokiangoi sinarima monimu in Akuoi kon baḷoimu.

MATIUS 25:36

Wakutu in Akuoi diá koḷambung; inogoian monimu in Akuoi in pakeang; wakutu in Akuoi notakit, sinompia monimu; wakutu in Akuoi kon bonu in ponjara, inangoi inindoian monimu.’

AYUB 22:6

Aka ki utatmu bo diá mokouboḻi kon boḻinea, daitonmu agowon in bayongan in ḷambungnea.

AYUB 31:16

Diápa kon dodai in onda in akuoi in doí notuḷung kon intau inta mokotabi, andeka nopomayá mako kon boba-bobay mita nobiag kinobuḻian in kamang.

AYUB 31:20

dá ogoianku in sia in ḷambung nongkon bubuḷ in dombaku tontaní, dá takin gina motuḻid dayowonnea in akuoi.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 18:15

Doíbí in adí tatua mosumba kon berhala in intau in Israel, andeka mokaan kon kuruban sosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau,