YEHEZKIEL 17:20 - Alkitab Singog In Mongondow Masa In Tanaa

²⁰ Akuoi in mobukábí kon ḷaḷa sin podomok kon inia. Diaan-Kubí in sia pobayá in Babel bo hukumon-Ku kon tua, popisí in diá motoindudui kon i-Nakó.

YEHEZKIEL 17:20 Referans Kwoze

YEHEZKIEL 12:13

Táe pogambat-Kubí in landará-Ku sin podomok kon inia. Bo diaan-Ku in sia kon kotá in Babel, bo kon tua matoi in sia takin diá bidon mokoimontanmai in mokoontong kon kotá tatua.

YEHEZKIEL 32:3

Kon tungkuḷ in bangusa mita moyosipun, domokon-Ku in iko in landará-Ku, bo pomayá-Kudon mako in bangusa mita tatua mopogambat kon inimu kon toba.

YEREMIA 2:35

moiko in moguman doman kon moiko in diá kotaḷá, bo Akuoi in diá bidon sinumorú kon inimu. Táe Akuoi ki Tuhan, in mohukumbí kon i monimu popisí in moiko in doí mongaku kon moiko in kotaḷá.

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

LUKAS 21:35

Sin singgai tatua in moiangoi naonda bo poyogaḷap kon bayongan in intau kon dunia naa.

MIKHA 6:2

Ei buḷud mita, ei apad mita in butá, indongogaidon in onu pinotaau i Tuhan! Oyúon in pelekara-Nea takin Israel umat-Nea bo tuntuton-Neabí in mosia.

HOSEA 7:12

Táe pomuḷoi in mosia moitaḻib, taanan-Kubí in pukot bo domokon in mosia naonda bo modomok kon ḷagapan. Akuoi in mohukumbí kon i monia popisí in aid mita monia moraat inta ain kinotaauan-Ku.

HOSEA 2:2

Ki Tuhan in noguman, “Ei adí-Ku mita, ki inámu in deeman bidon ki buḷoi-Ku, bo Akuoi in deemanbí ki buḷoinea. Tuamai, pelekaradon in sia sinbá sia in dika monuaḻing bo dikadon sumundaḷ bui.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

OMBAḶ 1:13

Nongkon ḷangit pinoonag-Nea in tuḷú inta nomokak nodapot kon bonu in ginaku. Sinaannea in potait kon tayowonku inta nokopopisí kon inakó noḷabú. Bodongka pinomayá-Neadon mako in aku-akuoi mita in kinoantugan in roriga kinoouput in singgai.

YEREMIA 50:44

Naonda bo singa inta noitukat nongkon kayuon noromon kon diug in Ongkag in Yordan bo namangoi in rawang popokaanan in domba, natuata in Akuoi, ki Tuhan, in mamangoi bo mopobaḻí kon intau in Babel daḻí moḷagui nongkon kotá monia. Bo Akuoi in momiḻí kon itoi tobatú sin momarenta kon bangusa tatua. Ki ine in motaau popotongkaian kon i-Nakó? Ki ine in mokobaḻí mopelekara takin-Ku? Oyúon degá in itoi in mokoḷawang kon i-Nakó?

YEREMIA 2:9

Ki Tuhan in noguman, “Tanaa in umat-Ku in pinelekara-Ku bui, bo buínea in sisigan-Ku.

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

AYUB 10:16

Aka kodapotanku onu in inaidanku, umpaka diá moḷoben, Iko mogaḷow kon inakó naonda bo singa. Bo poontong-Mu bui in kawasa-Mu, tongábí mopogogondok kon inakó.

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

SAMUEL 2 18:9

Kon dodai in ki Absalom sinumakoi kon bagalnea, bo daḻídon in sia noyodungkuḷ in intau i Daud. Bagal tatua in sinumaḻib kon pangkoi in kayu inta moḷoben táe noompá, dá noiandupdon in uḷu i Absalom kon tanganea tobatú. Bagalnea tatua in noribatukdon turus táe ki Absalom in kinotaḷáan bo noitadangdon mako kon tua.

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

YEHEZKIEL 15:8

Mosia in diábí motoindudui kon i-Nakó, tuamai, butá tatua in baḻíon-Ku moingongow. Akuoi ki Tuhan Inta Totok in moḷantud ain nosingog.”

YEHEZKIEL 17:19

Podoyon kon i-Nakó, Allah inta nobiag, ki Tuhan Inta Totok in moḷantud, ki datu in Yohuda in hukumon-Kubí popisí in iḻimimpatdon kon dodandiannea takin i datu in Babel, bokaka sia in nongibotdon pinodoyon kon tangoi-Ku kon intompodanneabí.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

YEREMIA 34:21

Ki Zedekia datu in Yohuda bo pojabat mita in pomarentaanea in ogoi-Ku kon intau mita inta moibog moḻimod kon i monia. Ogoi-Kubí in mosia kon tontara in Babel, inta tanaa mako ain nonaḷámai kon i monimu.