YEHEZKIEL 16:7 - Alkitab Singog In Mongondow Masa In Tanaa

^7-9 Ginamá-Ku in tubig bo dinaritan in dugú kon awakmu. Iḻepoan-Ku in ḷana zaitun in kuḻitmu. Biniag-Ku in iko naonda bo pinomuḷa inta noḷumbá. Notoyong in kinoḷantudanmu, nosehat bo nopia in pinongongawak, bo nobaḻí mongodeaga. Tetému momangkoidon mobiag bo buokmu in noḷanggó, táe nopilang in iko. Kon dodai in Akuoi noitaḻib bui, inontong-Ku kon wakutumudon mononggaso. Pinoḷutudan-Ku in jubah-Ku in awakmu inta nopilang tua, bo dinandi-Ku kon ogoian-Ku in tabi-Ku in iko. Oo, sinogotan-Kudon in dodandian tonibuḷoi takinmu, bo iko in nobaḻídon Akuoi in kitogi. Akuoi, ki Tuhan Inta Totok in mokawasa ain nosingog.

YEHEZKIEL 16:7 Referans Kwoze

ULANGAN 1:10

ki Tuhan Allahmu nopobaḻídon kon i monimu nobarong totok naonda bo tundi mita kon ḷangit.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

YESAYA 62:3

Iko in mobaḻí naonda bo mahkota mogaga kon ḻima i Tuhan, mahkota in dodatuan kon ḻima i Allahmu.

OUMAN IN RASUL MITA 7:17

Táe naonda in motoyongdon in wakutu i Allah mogintompod kon dandi-Nea kon i Abraham, noantódon totok in intau naton in nogutun kon Mesir.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

YEHEZKIEL 16:22

Kon kobiaganmu inta mokorongó tua saḷaku sundaḷ, yo topiḻikmai diá bidon kinotoropanmu in kobiaganmu kon tungkuḷ in nointokpa koḻipod, kon dodai in iko diá koḷambu-ḷambung bo moḻiaimai kon bonu in dugúmu tontaní.”

YEHEZKIEL 16:16

Tongosilai in pakeangmu pinakému pinoḷambá kon tampat pososumbaanmu kon berhalamu. Iko in nobaḻí sundaḷ bo nobogoi in awakmu kon bayongan in ḷoḷaki.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

DONDONG MOḶANTUD 4:5

Tetému naonda bo ki adí in rusa doyowa, ki adí in kijang apang inta koyogot in moranut kon bonok kon yua-yuak in bungang mobondu.

MAZMUR 148:14

Sia in noginropotdon kon bangusa-Nea, dá Sia in dinayo-dayowdon in umat-Nea, Israel, umat inta totok in kinotabi-Nea. Dayowdon in ki Tuhan!

MAZMUR 147:20

Diábí intua inaidan-Nea kon bangusa mita ibanea, mosia in diábí nonotaau in hukum-Nea mita. Dayowdon in ki Tuhan!

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

AYUB 1:21

bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

ULANGAN 4:8

Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?

IḶUAIAN 12:37

Intau Israel nobuat bo minaya-mayá in sioḷ nongkon kotá in Raamses nopobayá in kotá Sukot. Kobayong monia tua in 600.000 noribu intau, diá bidon pinoyoiap in bobay bo adí mita.

IḶUAIAN 3:22

Bayongan bobay Israel in moigumbí kon topodiugneamai inta intau in Mesir bo nongkon bobay in Mesir inta nogutun tobaḷoian, pakeang takin ḷambá saḷaka bo buḷawan. Moiko in mopopaké intua kon i adímu mita. Natuata in pogogagow monimu kon intau Mesir.”

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

DONDONG MOḶANTUD 8:8

Oyúon in ki ai-ai nami bobay inta nointokpa in teténea. Onu in pomiaan nami kon inia aka oyúon in mamangoi moigum mongantang kon inia?

DONDONG MOḶANTUD 8:10

Akuoi naa in dinding tobatú, bo tetéku in ḷangkeangnea. Kinotaauanbí in batoḷ in dodobku kon inia mosanang in akuoi.

YEHEZKIEL 16:6

Onda intua noitaḻib in Akuoi bo inontong-Ku in iko noḻiai kon bonu in dugúmu, bo diábí pinomayá-Ku mako iko in minatoi.

ULANGAN 1:11

Igumon mako ki Tuhan, Allah in mogoguyangmu, umuran modugang kon kobayong monimu modapot in koribu noguntuḷ, bo mopobaḻí kon i monimu bangusa inta mobiag mooyúon bo motompia ná podudui kon inta pinodandi-Nea!