YEHEZKIEL 16:60 - Alkitab Singog In Mongondow Masa In Tanaa

⁶⁰ Táe toropon-Kubí in dodandian inta ain pinomia-Ku takinmu kon dodai in noguodpa in iko bo nomia kon dodandian takinmu inta pakéon modapot in mononoi.

YEHEZKIEL 16:60 Referans Kwoze

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.

YEREMIA 50:5

Mosia in moḻibóbí kon daḷan mopobayá in Sion, bodongka mayá ná tua. Mosia in mogaidbí kon dodandian mononoi takin-Ku, bo umuranbí kumadai.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

HOSEA 2:15

Gobá mita in anggurnea in pobuion-Kubí bui kon inia, bo Ḷopá in Roriga in baḻíon-Ku ngara pongamangan. Kon tua sia in motomu kon i-Nakó ná kon tungkuḷ in sia noguodpa, kon tungkuḷ in sia bagu iḻumuai nongkon Mesir.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

IMAMAT 26:45

Toimbaguon-Kudon in dodandian inta pinomia-Ku takin mogoguyang monia, kon tungkuḷ in Akuoi nopoontong in kawasa-Ku kon bayongan bangusa takin nodia kon umat-Ku iḻumuai nongkon Mesir, sinbá Akuoi, ki Tuhan mobaḻí ki Allah monia.”

KINOBAḺIAN 9:15

yo kotoropan-Ku in dandi-Ku kon i monimu bo kon bayongan mahaḷuk inta nobiag, kon ḷunud moḷoben in diá bidon bui moyopú kon bayongan inta nobiag.

YEHEZKIEL 34:25

Akuoi in momiabí kon dodandian takin i monia, inta noḷukad kon kobiagan monia. Untunon-Kubí in bayongan mahaḷuk moraat nongkon sinangkub in butá, dá domba-Ku mita in mogutun moodom kon rawang mita bo mosiug kon kayuon mita.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.