YEHEZKIEL 16:27 - Alkitab Singog In Mongondow Masa In Tanaa

²⁷ Tanaa in Akuoi mohukumdon kon inimu bo mogamá kon barakat inta ain inogoi-Ku kon inimu. Ogoi-Kudon in iko kon intau mita in Pilistin inta doí kon inimu bo inta mobú in mokoontong kon dodiamu inta mokotor tua.

YEHEZKIEL 16:27 Referans Kwoze

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YEHEZKIEL 16:57

bo aidmu moraat diápa kinotaauan? Tanaa in notongkaineadon in iko; iko in kosinganmaidon in intau in Edom, in intau in Pilistin bo in topodiugmumai mita ibanea inta moyaat in gina kon inimu.

YEHEZKIEL 16:37

Tuamai, bayongan inta nokoimontandon kinotabimu sipunon-Ku, pinomayá inta kinoibogmu andeka inta kinodoímu. Simindogbí in mosia ḻimibu kon inimu bo moḷongkut kon bayongan in pakeangmu, dá ontongondon monia komintan in awakmu inta nopilang.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

YEHEZKIEL 23:22

Ki Tuhan Inta Totok in moḷantud in noguman, “Ei Oholiba, mobúdon in iko kon intau mita inta kinoibogmu, táe popoyaat-Ku in gina monia sinbá tumorú kon inimu bo moḻibut kon inimu.

YEHEZKIEL 16:47

Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

YEREMIA 34:21

Ki Zedekia datu in Yohuda bo pojabat mita in pomarentaanea in ogoi-Ku kon intau mita inta moibog moḻimod kon i monia. Ogoi-Kubí in mosia kon tontara in Babel, inta tanaa mako ain nonaḷámai kon i monimu.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YESAYA 3:1

Totuubí, ki Tuhan Inta Mokawasa Totok in mogamábí nongkon Yerusalem bo Yohuda in bayongan tongkaaḷ in kaanon bo inumon. Intau mita doman inta pongatamai monia:

MAZMUR 106:41

Dá inogoi-Neadon in mosia kon bangusa mita pinomayá-Neadon mako in mosia kinawasa in musung.

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

ZEPANYA 3:19

Moiangoibí in orasnea kon monondorotmu rimumudon-Ku, bo intau nopelong posaḷamaton-Ku; bayongan in intau inta iḷumbú kapiton-Ku mobui. Koyoyempeng monia baḷuian-Ku mobaḻí kahoromatan; kon ondakabí, nodapot in kon sinangkub in butá, mosia in pomuliaanbí bo dayowon.