YEHEZKIEL 16:16 - Alkitab Singog In Mongondow Masa In Tanaa

¹⁶ Tongosilai in pakeangmu pinakému pinoḷambá kon tampat pososumbaanmu kon berhalamu. Iko in nobaḻí sundaḷ bo nobogoi in awakmu kon bayongan in ḷoḷaki.

YEHEZKIEL 16:16 Referans Kwoze

DATU MITA 2 23:7

Gopot mita kon bonu in Baḷoi Tuhan inta pinaké in sundaḷ mita in kuil sin sumundaḷ mosumba kon dewa, in irimumud. (Kon gopot mita tatua bobay mita nogaboḷ kon didit sin pakéon kon posumbaan kon i Dewi Asyera.)

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

TAWARIKH 2 28:24

Onda intua sia in nogamá kon bayongan in pakakat in Baḷoi Tuhan bo irimumud. Bo iḻingkopanneadon in Baḷoi Tuhan, bo pinosindogneadon in mezbah mita kon sinangkub in Yerusalem.

YESAYA 57:7

Moiko in mayá kon tudu mita in buḷud sin moposumba in kuruban bo mopoorop in ibog in awakmu.

YEHEZKIEL 16:15

Táe noitaḷá in pinododiamu kon koḷoḷunatmu takin kopia in tangoimu. Iko in nosiug takin ki inedon in ḷoḷaki inta moitaḻib.

YEHEZKIEL 16:17

Nongkon ḷambá buḷawan bo saḷaka inta inogoi-Ku kon inimu, pinomiamu patong mita ḷoḷaki, bo nonuaḻing in iko takin patong mita tatua.

YEREMIA 2:10

Bayádon pongin bingkí in dagat in Siprus kon dotá in toyopan, potabádon in intau mayá in dotá in utuan kon butá in intau in Kedar, taridiaidon kon tua kotaridion, mongo nokoimontandon in nobaḻí in natua?

YEHEZKIEL 23:1

Ki Tuhan in noguman kon inakó, kai-Nia,

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.