YEHEZKIEL 14:19 - Alkitab Singog In Mongondow Masa In Tanaa

¹⁹ Dika-dika popoangoi-Ku in yampoi in takit kon butá tatua, bo pobuká-Ku in torú-Ku kon inia modapot in intau andeka mahaḷuk yo moyopú.

YEHEZKIEL 14:19 Referans Kwoze

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

YEHEZKIEL 7:8

Diádon moonggot bo moiko in mokonanamdon kon torú-Ku inta motoyang. Moiko in sisigan-Ku podudui in aidmu. Tuḻían-Kubí kon inimu in bayongan in aidmu inta moromú.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

SAMUEL 2 24:15

Dá ki Tuhan in nopoangoidon in takit kon intau in Israel nongkon doḷo-doḷom nodapot kon wakutu inta ain sinantú-Nea. Kon bayongan in Israel in 70.000 in intau minatoi.

MATIUS 24:7

Sin bangusa bo bangusa mosiparangan bo dodatuan moparang doman takin dodatuan. Moiangoi in wakutu kon bayongan intau kodaitan in kaanon bo ḻinug kon bayongan tampat.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

YEHEZKIEL 36:18

Pinotugat-Ku kon i monia in torú-Ku popisí in mosia totokdon in noḻimod kon butá tatua bo nongotor pinongin berhala mita monia.

YEREMIA 24:10

Akuoi in mopoangoibí kon i monia in parang, gogoy, bo yampoi in takit dá mosia komintan in matoi bo diá in kotaḷáan kon butá tanaa inta ain inogoi-Ku kon i monia bo kon mogoguyang monia.”

YEREMIA 21:9

Bayongan in intau inta mogutun kon bonu in kotá in matoibí popisí in parang, gogoy, andeka yampoi in takit. Táe mosia inta ḷumuai sin tumungkud kon intau in Babel inta koyogot in nonubu kon kotá tanaa, in kotaḻibanbí bo diá ḻimodon.

YEREMIA 21:6

Intau mita in kotá tanaa in ḻimodon-Ku; pinomayá intau andeka mahaḷuk in matoibí popisí in yampoi in takit inta motoyang.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

MAZMUR 91:6

kon bodito inta namangoi nongkon sindip, andeka korimumudan inta moidantug kon tungkuḷ in moutu in singgai.

MAZMUR 91:3

Sia in mopoḷuatbí kon inimu nongkon anib inta noiadop, bo nongkon takit inta mokopatoi.

TAWARIKH 2 20:9

kon aka mosia in hukumon popisí in dosa mita monia, bo mosia in koantugan in parang, yampoi in takit, andeka malarat in gogoy, mosia in motaaubí mamangoi kon ini-Mu bo simindog kon tayowon in baḷoi pooibadaan tanaa. Kon bonu in roriga monia, mosia in motaaubí mosambayang kon ini-Mu, bo indongogan-Mubí poḷat motuḷung kon i monia.

TAWARIKH 2 7:13

Aka diá in Akuoi mopoangoi in uyan andeka potabá-ku mangoi in pangkoḷá sin momoguyaat kon bungai in pinomuḷa andeka mopoangoi in yampoi kon umat-Ku,

TAWARIKH 2 6:28

Aka butá tanaa bo koantugan in malarat in gogoy andeka yampoi andeka pinomuḷa mita pinoguyaat in tompot mopatú, mahaḷuk andeka pangkoḷá andeka aka umat-Mu sinubu in musung, andeka sinugatan in takit,

DATU MITA IMITÁNEA 8:37

Aka butá tanaa koantugan in malarat in gogoy ande kotugatan in yampoi, bo pinomuḷa mita poguyaaton in tompot bo patú in singgai, mahaḷuk andeka pangkoḷá, andeka aka umat-Mu tubuon in musung, andeka kotugatan in takit,

SAMUEL 2 24:13

namangoi in ki Gat kon tayowonnea bo nopotaau kon inia in parenta i Tuhan tatua, kainia, “Onda in piḻíon i Tuang datu: Butá tanaa koantugan in malarat diá in kaanon kon bonu in toḷu notaong, andeka ki Tuang datu in moḷagui sin aḷo-aḷowan mako in musung kon bonu in toḷu nobuḷan, andeka butá tanaa tubuon in takit kon bonu in toḷu nosinggai? Tantúdon kon tanaa mako onu inta mustiku potaau kon i Tuhan.”

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

YESAYA 34:3

Mayat mita monia in diá bidon ḷobongon, táe pomayádon mako moburuk bo mobó. Buḷud mita mobaḻídon mopura popisí in koiḻigan in dugú monia.

YEHEZKIEL 14:18

Bo umpakabí taya toḷu koina nogutun kon tua, dá podoyon kon i-Nakó, ki Allah inta nobiag, Tuhan Inta Totok in moḷantud, mosia in diábí mokoposaḷamat kon i ineka, nodapot in kon i adí mita monia. Tongábí mosia tontaní in mosaḷamat.

YEHEZKIEL 14:20

Bo umpaka ki Nuh, ki Daniel bo ki Ayub nogutun kon tua, dá podoyon kon i-Nakó, ki Allah inta nobiag, Tuhan Inta Totok in moḷantud, mosia in diábí mokoposaḷamat kon i ineka, nodapotbí in kon i adí mita monia. Tongábí mosia tontaní in mosaḷamat popisí in aid monia inta mopia.”

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.