YEHEZKIEL 14:1 - Alkitab Singog In Mongondow Masa In Tanaa

¹ Tongonumai in intau nongkon itoi mita in bangusa in Israel namangoi kon inakó sin moḻibó kon onu in ibog i Tuhan.

YEHEZKIEL 14:1 Referans Kwoze

YEHEZKIEL 8:1

Kon singgai iḻimanea kon buḷan inggonomnea kon taong inggonomnea kon sempo in pinoḷumbúan kon inami, itoi mita in intau mita inta iḷumbú kon Yohuda in namangoi kon baḷoiku bo iḻimitú takinku. Bo daḻídon in kawasa i Tuhan Inta Totok in moḷantud nongawasa kon inakó.

YEHEZKIEL 20:1

Kon singgai impuḷúnea kon buḷan noginḻima, kon taong impitunea kon pinoḷumbúan kon inami, tongonumai in itoi in Israel namangoi kon inakó sin mopoigum kon topotundú i Tuhan. Naonda in mosia iḻimitú kon tayowonku,

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

DATU MITA 2 6:32

Bo ki datu in nopotabá in intau tobatú inumuna kon inia minayá in baḷoi i Elisa. Kon dodai intua ki Elisa in kon baḷoi, bo tongonumai in intau mita inta ihoromat in kon tua doman namangoi nokipodungkuḷ. Kon dodai diápa noyaput in totabá i datu tatua, ki Elisa in noguman kon intau mita tatua, “Indoiaika! Intau inta moḷoḻimod in nopotabádon mangoi in intau sin moḻimod kon inakó. Aka moyaputdon in intau tatua, yo ḻingkopaidon in ngara bo dikabí pomayá mako in sia tumuot. Kon tuminea tua in ki datu.”

OUMAN IN RASUL MITA 22:3

“Akuoi naa intaubí in Yahudi, pinononggadí kon Tarsus kon butá in Kilikia, táe akuoi in nointoi kon kotá tanaa, ki Gamaliel in guru moḷobenku inta ain notundú kon i nakó notompia totok. Sia in notundú kon hukum i Musa inta inogoinea kon mogoguyang naton. Sahingga in akuoi nobaḻí mogogaid i Allah inta totok in morajing, ná tanaa mako.

OUMAN IN RASUL MITA 4:8

Bo takin kawasa in Roho i Allah, ki Petrus in notubag, “Tuang mita inta nobaḻí itoi mita in bangusa bo tuang mita inta anggota mita in sidang!

OUMAN IN RASUL MITA 4:5

Nopoikoḷomai kon singgai, itoi mita in Yahudi, guhanga mita in ḻipú bo mototundú mita kon agama nogaid kon sidang kon Yerusalem.

LUKAS 10:39

Ki Marta naa oyúon in ki utatnea bobay doman inta tangoinea in ki Maria. Ki Maria naa iḻimitú mako kon diug i Yesus bo mokidongogmai kon onu in singogon-Nea.

YEHEZKIEL 14:2

Bo nogumandon in ki Tuhan kon inakó,

YEHEZKIEL 33:32

Iko in inanggap intau inta mopodondong in dondong totabian inta mopia kodongogan bo mopia mopogogitog in kecapi. Totuu kon mokidongogbí in mosia kon tosingogonmu mita táe diábí duduiannea.

YESAYA 21:12

Tubagku, “Doḷo-doḷom in moiangoibí táe doḷombí doman. Aka moibog moḻibó, yo angoidon bui bo poḻibó.”

YEHEZKIEL 20:3

“Ei intau ilo-ilow, poyosingogdon in itoi mita tatua bo poguman kon Akuoi, ki Tuhan Inta Totok in moḷantud in noguman nanaa, ‘Mokobaḻíbí totok in moiko in moigum kon topotundú-Ku! Podoyon kon i-Nakó, ki Allah inta nobiag, doíbí in Akuoi poigumanmu kon topotundú! Akuoi, ki Tuhan Inta Totok in moḷantud ain nosingog.’