YEHEZKIEL 13:23 - Alkitab Singog In Mongondow Masa In Tanaa

²³ Tanaa in mopaḷutdon in oontongon mita diá totuu bo toḻindapmu mita uboḷ. Posaḷamaton-Ku in umat-Ku nongkon tongganut moraatmu. Dá kotaauandon monimu kon Akuoibí in ki Tuhan.”

YEHEZKIEL 13:23 Referans Kwoze

YEHEZKIEL 13:21

Koḷob mita in uḷu inta kainimu in mosakti in berakon-Ku, bo umat-Ku in posíon-Ku nongkon tongganut in aidmu moraat modapot in mononoi. Dá kotaauandon monimu kon Akuoibí in ki Tuhan.

MIKHA 3:6

“Ei nabi, motoyongdon in wakutumu; mata in singgaimu koyogotdon in tumoyop. Moiko in diá bidon bui mokouḻí kon oontongon inta moponiata kon tomayá-Ku mita. Moiko in diá bidon bui mokotoḻindap kon onu bo onu.”

YEHEZKIEL 12:24

Kon Israel diádon bui in oontongon andeka toḻindap diá totuu,

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

ZAKHARIA 13:3

Bo aka oyúonpa doman in intau inta noguman kon sia in mopotaau in koyow, yo ki amá bo ki ináneadon tontaní in moguman kon inia kon sia in musti hukumon dapot in matoi, sin uboḷbí in siningognea tua, sia in tumbukonbí i amá bo inánea tontaní modapot in matoi.

YEHEZKIEL 34:10

Akuoi, ki Tuhan Inta Totok in moḷantud in moguman kon inimu, kon Akuoi naa in musungmu. Domba-Ku mita tatua in gamáan-Kubí bui nongkon inimu bo diádon ogoi-Ku bui kon i monimu; moiko in diá bidon ogoi-Ku morai kon kopontingan monimu tontaní. Domba-Ku mita in posaḷamaton-Kubí nongkon inimu dá mosia in diádon mobaḻí kokaanonmu.’ ”

WAHYU 15:2

Nopaḷut mako kon tua akuoi in nokoontong kon inta koontongan naonda bo dagat kaca inta noyobauk in tuḷu. Akuoi in nokoontong doman kon intau mita inta ain nountung nongkon mahaḷuk bo patongnea tatua, bo nokountung domandon kon intau inta tangoinea ain sinontandaan in angka. Intau mita inta ain nountung tatua in sinimindog kon bingkí in dagat kaca bo kokada-kadai in kecapi inta inogoi i Allah kon i monia.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 13:5

Mahaḷuk tatua inogoianbí in kasampatan ḷumoḷatú in mosingog bo moningkuḻe kon i Allah. Sia inogoianbí doman in kasampatan momarenta kon bonu in opat nopuḷú bodoyowá nobuḷan koonggotnea.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

TIMOTIUS 2 3:9

Táe ain bidon notantú kon mosia tua in diá bidon mokouḻí kon onu bo onu, sin pompuḷong monia tua in kinotaauanbí in bayongan intau, naonda bo ki Yanes bo ki Yambres doman tungkuḷ intua.

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

YEHEZKIEL 14:8

Akuoi in moḷawangbí kon inia bo baḻíon-Ku in sia sonto kon ibanea. Poyayúon-Kubí in sia nongkon intau mita umat-Ku, dá kotaauandon in umat-Ku kon Akuoibí in ki Tuhan.

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”