YEHEZKIEL 13:17 - Alkitab Singog In Mongondow Masa In Tanaa

¹⁷ Ki Tuhan in noguman, “Tanaa, ei intau inta ilo-ilow, taridiaika in bobay mita inta tumangoi nabi mita kon sigad in bangusamu. Torúaidon in mosia,

YEHEZKIEL 13:17 Referans Kwoze

YEHEZKIEL 13:2

“Ei intau inta ilo-ilow, torúaidon in nabi mita in Israel inta mosingog kon toḻindap monia tontaní. Pokiindongogaidon in mosia in tosingogon-Ku.”

WAHYU 2:20

Táe naa in kinodoí-Ku kon i monimu; Pinomayámudon mako in ki Izebel, bobay inta dinumuí totabá i Allah tua. Nobayongdon in intau-Ku in inakaḷannea bo sinundúnea mogaid kon inta mokotor bo mokaan kon kaanon inta ain pinosumba kon berhala.

DATU MITA 2 22:14

Dá minayádon in ki Hilkia, ki Ahikam, ki Akhbor, ki Sapan bo ki Asaya nopoigum in totundú kon bobay tobatú inta ki Hulda in tangoinea. Sia in nabi inta nogutun kon ḻipú mobagu kon Yerusalem. Ki buḷoinea in ki Salum adí i Tikwa, ki ompu i Harhas; sia in mononoḻisí kon pakeang in ibada kon Baḷoi Tuhan. Naonda in ki Hulda nokodongog kon katarangan monia,

HAKIM MITA 4:4

Kon dodai intua intau inta nobaḻí itoi kon Israel in nabi bobay tobatú. Ki Debora in tangoinea, ki buḷoi i Lapidot.

LUKAS 2:36

Kon tua oyúon doman in nabi bobay inta ain nogoguyang totok. Ki Hana in tangoinea, ki adí i Panuel, nongkon suku in Asyer. Pitu notaong sia nobiag noyotakin i buḷoinea,

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.

YEHEZKIEL 21:2

“Ei intau ilo-ilow, kutukdon in Yerusalem. Kutukdon in tampat mita pooibadaan kon tua. Potoingatdon kon butá in Israel,

YEHEZKIEL 20:46

“Ei intau ilo-ilow, indoidon kon dotá in toḷatan. Toboḷowdon in butá in toḷatan, torúaidon in kayuon kon tua.

YEHEZKIEL 4:3

Gamádon in pansi uatoi bo anggapdon tua dinding uatoi tobatú; ukat in pansi tatua kon sigadmu bo kotá in Yerusalem. Onda intua tayowdon kon kotá tatua naonda bo iko in nongopung kon tua. Tua in mobaḻí lambang kon bangusa in Israel.

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

OUMAN IN RASUL MITA 21:9

Ki Pilipus in kogadí kon mongodeaga opat. Ki adínea mita tatua ain inogoian i Allah in komampuan mopotaau in Habar Mopia nongkon i Allah.

NEHEMIA 6:14

Akuoi in nosambayang, “Oo Allah, toropdon onu in inaidan i Tobia bo i Sanbalat tatua. Hukumdon in mosia! Natua doman in nabi bobay inta ki Noaja bo nabi mita ibanea inta moibog mopogogondok kon inakó.”